રવિવારે (28 માર્ચ) નવી દિલ્હીમાં પુરા થયેલા શૂટિંગ વર્લ્ડ કપમાં ભારતે 15 ગોલ્ડ સહિત કુલ 30 મેડલ્સ હાંસલ કરી આ રમતમાં અત્યારસુધીમાં શૂટિંગ વર્લ્ડ કપનો પોતાનો શ્રેષ્ઠ દેખાવ નોંધાવ્યો હતો.
ફેબ્રુઆરી, 2019માં દિલ્હીમાં જ યોજાએલા વર્લ્ડ કપથી શરૂ કરીને ભારતે રાઈફલ/પિસ્ટલ ઈવેન્ટ્સમાં તો દરેક વખતે, સતત છઠ્ઠીવાર પ્રથમ સ્થાન મેળવ્યું છે. આ વખતે ભારતે 15 ગોલ્ડ, 9 સિલ્વર તથા 6 બ્રોંઝ મેડલ્સ મેળવ્યા હતા. 8 મેડલ્સ સાથે અમેરિકા બીજા તેમજ ચાર મેડલ્સ સાથે ઈટાલી ત્રીજા સ્થાને રહ્યું હતું.
