દેશમાં વસતા સૌ કોઇને ઇસ્ટર સુધીમાં કોરોનાવાયરસની રસી આપવાનું લક્ષ્ય સરકાર દ્વારા નક્કી કરવામાં આવ્યું છે. 50 વર્ષથી ઓછી વયના તંદુરસ્ત પુખ્ત વયના લોકોને જાન્યુઆરીના અંતથી રસી આપવામાં આવી શકે છે. ફાઇઝરે યુ.એસ. રેગ્યુલેટર્સને ઇમરજન્સી મંજૂરી માટે અરજી કરી છે. બ્રિટિશ રેગ્યુલેટર્સ આવતા મહિનાના પ્રારંભમાં નિર્ણય પર પહોંચી શકશે.

દિવાળીના તહેવારો પછી ગુજરાતમાં કોરોનાના કેસોનો જાણે કે વિસ્ફોટ થયો છે. રાજ્યના ચાર મહાનગરો સહિતના વિસ્તારોમાં કોરોનાના કેસો ઝડપથી વધવા માંડતા રાજ્ય સરકારે ગયા વીક એન્ડમાં અમદાવાદમાં સળંગ 57 કલાકનો કરફ્યૂ લાદી દીધો હતો.

વડાપ્રધાન બોરીસ જ્હોન્સને આગામી 2 ડિસેમ્બર પછીના લોકડાઉન ‘ટિયર્સ’ની જાહેરાત કરી છે. તેમણે વધતી જતી કોવિડ-19 રસીની આશાઓ વચ્ચે બની શકે તો લોકોને ઘરેથી કામ કરવાની વિનંતી કરી જીમ, શોપ્સ અને લેઝર સેન્ટર્સ ખોલવાની જાહેરાત કરી હતી.

અમેરિકામાં ડોનાલ્ડ ટ્રમ્પ પાસેથી જો બાઇડનના હાથમાં સત્તા પરિવર્તનની પ્રક્રિયા આખરે સોમવારે ચાલુ થઈ હતી. જનરલ સર્વિસિસ એડિમિનિસ્ટ્રેશને સોમવારે પ્રેસિડન્ટની ચૂંટણીમાં બાઇડનને દેખિતા વિજેતા હોવાનું સ્વીકાર્યું હતું અને પ્રેસિડન્ટ ડોનાલ્ડ ટ્રમ્પે પણ સત્તા પરિવર્તનમાં સહકાર આપવા તેમની એજન્સીઓને સૂચના આપી હતી. જોકે ટ્રમ્પે ચૂંટણીના પરિણામ સામે કાનૂની જંગ જારી રાખશે

અમેરિકાના જાણીતા વર્તમાનપત્ર ન્યૂયોર્ક ટાઈમ્સે ૨૦૨૦ના વર્ષના ટોચના 10 પુસ્તકોની યાદી જાહેર કરી હતી. એ યાદીમાં ભારતના ત્રણ લેખકોના પુસ્તકોનો સમાવેશ થયો હતો.આ યાદીમાં અમેરિકાના ભૂતપૂર્વ પ્રેસિડન્ટ બરાક ઓબામાના પુસ્તક અ પ્રોમિસ્ડ લેન્ડનો પણ સમાવેશ કરાયો હતો.

એસ્ટ્રાઝેનેકા અને ઑક્સફોર્ડ યુનિવર્સિટીએ જાહેરાત કરી હતી કે પ્રારંભિક કસોટીઓમાં તેમની કોવિડ-19 સામેની રસી 90 ટકા સુધી અસરકારક રહી છે અને તેને સામાન્ય ફ્રિજમાં પણ સુરક્ષિત રૂપે સંગ્રહિત કરી શકાય છે. આ રસીના એક ડોઝની કિંમત £2 જેટલી જ છે અને ઇસ્ટર સુધીમાં યુકેમાં લાખો ડોઝ ઉપલબ્ધ થઈ શકે છે.

અમેરિકામાં આ વર્ષે રહોડ્સ સ્કોલર્સ તરીકે ચાર ઇન્ડિયન અમેરિકન સહિત 32 વિદ્યાર્થીની પસંદગી કરવામાં આવી છે. કોરોનાના મહામારીને કારણે આ વર્ષે પ્રથમ વખત વર્ચ્યુઅલ પસંદગી કરવામાં આવી હતી. આ વિદ્યાર્થીઓને બ્રિટનમાં ઓક્સફોર્ડ યુનિવર્સિટીમાં અભ્યાસ માટે સ્કોલરશિપ્સ મળશે.

અમેરિકામાં કોરોનાએ વિકરાળ સ્વરૂપ ધારણા કર્યું છે અને મૃત્યુઆંક 250,000ને વટાવી ગયો છે. વિશ્વમાં અત્યાર સુધી કોરોનાએ 1,349,000 લોકોનો જીવ લીધો છે. જ્હોન હોપકિન્સ યુનિવર્સિટીના જણાવ્યા અનુસાર અમેરિકામાં કુલ 250,537 લોકોના મોત થયા છે અને હાલમાં 11.5 મિલિયન કેસ છે.

મંત્રી તરીકેના નીતિ નિયમોનો ભંગ કર્યો હોવાનું કેબિનેટ ઑફિસની ઇન્ક્વાયરીમાં બહાર આવ્યું હોવા છતાય વડાપ્રધાન બોરિસ જ્હોન્સને હોમ સેક્રેટરી પ્રીતિ પટેલને ટેકો આપ્યો છે. પ્રિતિ પટેલે સિવિલ સ્ટાફ સાથેના તેમના દુર્વ્યવહાર કરવા બદલ દિલગીરી વ્યક્ત કરી છે.

વિશ્વમાં અમેરિકા બાદ ભારત એવો બીજો દેશ બન્યો છે કે જેમાં કોરોનાના 90 લાખથી વધારે કેસ થઈ ચુક્યા છે. જોકે ભારત માટે રાહતની વાત એ છે કે, 80 લાખથી 90 લાખ સુધી પહોંચવામાં ભારતને 22 દિવસ લાગ્યા છે. હવે કોરોનાની બીજી લહેર ચાલુ થઈ ગઈ છે ત્યારે કોરોનાના કેસમાં ફરી ઉછાળો આવી શકે છે.

વિશ્વના અન્ય દેશોની માફક 2020માં કોરોનાને કારણે ભારતીય ક્રિકેટ ખેલાડીઓ પણ 8 મહિના ક્રિકેટ રમી શક્યા નહોતા. જો કે, 2021-22માં ટીમ ઇન્ડિયાનો ઘણો વ્યસ્ત છે.
કેલેડન્ડર વર્ષમાં ટીમ બાઈલેટરલ સીરિઝમાં 14 ટેસ્ટ, 13 વન-ડે અને 20 T-20, એમ કુલ 47 મેચ રમશે. ભારતીય ટીમ વિદેશ પ્રવાસમાં ચાર સીરિઝ રમશે. તે સિવાય T-20 વર્લ્ડ કપમાં ઓછામાં ઓછી 4, એશિયા કપમાં ઓછામાં ઓછી 5 અને IPLમાં ઓછામાં ઓછી 14 T-20 મેચ રમશે.

ભારતીય ક્રિકેટ ટીમ આવતા વર્ષે (2021) ઓગસ્ટમાં ઈંગ્લેન્ડના પ્રવાસે આવશે અને અહીં 5 ટેસ્ટ મેચની સીરીઝ રમાશે.
ઈંગ્લેન્ડ અને વેલ્સ ક્રિકેટ બોર્ડ (ECB)એ આ પ્રવાસ કાર્યક્રમની ગયા સપ્તાહે જાહેરાત કરી હતી.

2022માં બર્મિંગહામમાં યોજાનારી કોમનવેલ્થ ગેમ્સમાં સૌપ્રથમવાર મહિલા ક્રિકેટનો સમાવેશ કરવાની ગયા સપ્તાહે જાહેરાત કરાઈ હતી. ઈન્ટરનેશનલ ક્રિકેટ કોન્ફરન્સ (ICC) અને કોમનવેલ્થ ગેમ્સ ફેડરેશને (CGF) તેની જાહેરાત કરી હતી. 2022ની કોમનવેલ્થ ગેમ્સ 28 જુલાઈથી 8 ઓગસ્ટ સુધી રમાશે.

ઈંગ્લેન્ડ અને વેલ્સ ક્રિકેટ બોર્ડે (ECB) જાહેરાત કરી છે ઈંગ્લેન્ડની ટીમ 16 વર્ષ પછી આવતા વર્ષે ઓક્ટોબરમાં પાકિસ્તાનનો પ્રવાસ કરશે. ટીમ 12 ઓક્ટોબરે કરાચી પહોંચશે અને બંન્ને ટીમ ટી-20ની સીરીઝ પછી આઈસીસી મેન્સ ટી-20 વર્લ્ડ કપ માટે ભારત જશે.