ઇરાનને ગુરુવાર, 19 માર્ચે કતારના સૌથી મોટા લિક્વિફાઇડ નેચરલ ગેસ (LNG) પ્લાન્ટ રાસ લાફાન પર મિસાઇલ હુમલો કરતાં આંતરરાષ્ટ્રીય ઓઇલ અને ગેસ માર્કેટમાં ઉથલપાથલ સર્જાઈ હતી. વિશ્વના આ સૌથી મોટા એલએનજી પ્લાન્ટ પર હુમલાને કારણે ઉત્પાદન કામગીરી સંપૂર્ણપણે બંધ થઈ ગઈ હતી.
ઇરાનના સાઉથ પાર્સ ગેસ ફિલ્ડ પર પર ઇઝરાયેલના હુમલાને પગલે ઇરાનને મધ્યપૂર્વના દેશોના ઓઇલ અને ગેસ પ્લાન્ટ પર હુમલા ચાલુ કર્યા હતાં. 28 ફેબ્રુઆરીથી ચાલુ થયેલું આ યુદ્ધ અત્યાર સુધી લશ્કરી મથકો અને વ્યૂહાત્મક સ્થળો પર હુમલો પૂરતું સીમિત રહ્યું હતું, પરંતુ હવે ઓઇલ અને ગેસ પ્લાન્ટ પર હુમલાને કારણે વૈશ્વિક એનર્જી કટોકટી ઊભી થવાની ધારણા છે. ઈરાને વળતી કાર્યવાહીમાં અબુ ધાબીમાં આવેલી રુવૈસ રિફાઇનરીને નિશાન બનાવી હતી, જે દુનિયાની ચોથી સૌથી મોટી સિંગલ-સાઇટ રિફાઇન
વિશ્વના ટોચના LNG ઉત્પાદકોમાં અમેરિકા, ઓસ્ટ્રેલિયા અને રશિયાની સાથે કતારનો પણ સમાવેશ થાય છે. ઊર્જા માર્કેટ ખોરવાઈ જવાથી ભારત જેવા દેશો પર ઊંડી અસર પડી રહી છે. ભારત તેની કુદરતી ગેસની જરૂરિયાતનો લગભગ 50% આંતરરાષ્ટ્રીય બજારમાંથી મેળવે છે. ભારત તેની કુદરતી ગેસની કુલ જરૂરિયાતમાંથી લગભગ 20% કતારથી આયાત કરે છે.
કતારમાં ઇરાનને હુમલા પછી અમેરિકાના પ્રેસિડન્ડ ડોનાલ્ડ ટ્રમ્પે જણાવ્યું હતું કે ગુસ્સામાં ઇઝરાયલે હિંસક રીતે હુમલો કર્યો અને ઇરાનના મુખ્ય ગેસ ક્ષેત્રને ટાર્ગેટ બનાવ્યું હતું. મને તેની અગાઉથી જાણકારી ન હતી, પરંતુ જો ઇરાન કોઇ વળતા હુમલા નહીં કરે તો ઇઝરાયેલ હવે આવા હુમલા કરશે નહીં.
ઇરાનના સાઉથ પોર્સ ગેસ ફિલ્ડ પર ઇઝરાયેલના હુમલાથી ક્રૂડ ઓઇલના ભાવમાં ઉછાળો આવ્યો હતો. ઇરાનને ઈરાને ખાડીમાં તેલ અને ગેસના ટાર્ગેટ પર હુમલો કરવાની ધમકી આપી હતી તથા કતાર અને સાઉદી અરેબિયા પર મિસાઇલો છોડી હતી.
કતારની અગ્રણી ઓઇલ કંપની કતાર એનર્જીએ જણાવ્યું હતું કે રાસ લાફ ઇન્ડસ્ટ્રીયલ સિટીમાં ઇરાનના મિસાઇલ હુમલાથી વ્યાપક નુકસાન થયું હતું. આ ઇન્ડસ્ટ્રીયલ સિટી વિશ્વના કુલમાંથી પાચમાં ભાગનો વૈશ્વિક ગેસ સપ્લાય પૂરો પાડે છે.
સાઉદી અરેબિયાએ જણાવ્યું હતું કે રિયાધ પર ઇરાનને છોડેલી બેલેસ્ટિક મિસાઇલો તોડી પાડવામાં આવી હતી. ઇરાનને પૂર્વમાં એક ગેસ પ્લાન્ટ પર ડ્રોન હુમલાનો પણ પ્રયાસ કર્યો હતો.
