ગુજરાતમાં છેલ્લાં બે દિવસથી ભીષણ ગરમી પડી રહી છે. બુધવારે ગુજરાતના સુરેન્દ્રનગર અને રાજકોટ જિલ્લામાં હીટવેવનો પ્રકોપ જોવા મળ્યો હતો. હવામાન વિભાગે ગુરુવાર માટે પણ ગરમીનો ઓરેન્જ એલર્ટ જારી કરાયો હતો. રાજ્યોમા ઉનાળામાં મહત્ત્તમ તાપમાન 41 ડિગ્રી સેલ્સિયનને વટાવી ગયું છે, જે સામાન્ય તાપમાન કરતાં આશરે 7 ડિગ્રી વધુ છે.
અમદાવાદ હવામાન કેન્દ્રના વડા ડૉ. અશોક કુમાર દાસે જણાવ્યું હતું કે બુધવાર માટે સૌરાષ્ટ્ર-કચ્છ ક્ષેત્રના સુરેન્દ્રનગર અને રાજકોટ જિલ્લાઓ માટે તીવ્ર ગરમીની સ્થિતિની ચેતવણી (રેડ એલર્ટ) જારી કરાયો હતો. મંગળવારે કેન્દ્રશાસિત પ્રદેશમાં આવેલા દીવ શહેરમાં મહત્તમ તાપમાન 41.3 ડિગ્રી સેલ્સિયસ નોંધાયું હતું, જે માર્ચમાં સૌથી વધુ છે, જે વર્ષના આ સમય માટે સામાન્ય કરતા 10 ડિગ્રી વધારે છે.બનાસકાંઠા, પાટણ, વડોદરા, સુરત, પોરબંદર, જૂનાગઢ, અમરેલી, મોરબી, ગીર સોમનાથ, બોટાદ, કચ્છ અને યુટી માટે ઓરેન્જ એલર્ટ જારી કરવામાં આવ્યું હતો.
ગુરુવાર 12 માર્ચે સમગ્ર ગુજરાતમાં ગરમીનો ઓરેન્જ એલર્ટ અપાયો હતો. શુક્રવારે યલો એલર્ટ અપેક્ષિત છે. દાસે જણાવ્યું હતું કે, આગામી બે દિવસ પછી તાપમાન ધીમે ધીમે ઘટવાની આગાહી છે.મંગળવારે ગુજરાતમાં સૌથી વધુ ૪૨ ડિગ્રી સેલ્સિયસ તાપમાન રાજકોટમાં નોંધાયું હતું, જે સામાન્ય કરતાં ૮ ડિગ્રી સેલ્સિયસ વધુ હતું
અમદાવાદમાં બુધવારે ૪૧.૪ ડિગ્રી સેલ્સિયસ તાપમાન નોંધાયું હતું, જે સામાન્ય કરતાં ૭.૨ ડિગ્રી વધુ હતું. ડીસા અને ગાંધીનગરમાં અનુક્રમે ૪૧ ડિગ્રી સેલ્સિયસ અને ૪૦.૮ ડિગ્રી સેલ્સિયસ તાપમાન નોંધાયું હતું, જે સામાન્ય કરતાં સાત ડિગ્રી સેલ્સિયસ વધુ હતું.વડોદરા અને સુરતમાં પણ ૪૧ ડિગ્રી સેલ્સિયસ અને ૪૦.૨ ડિગ્રી સેલ્સિયસ તાપમાનનો અનુભવ થયો, જે સામાન્ય કરતા ૬ ડિગ્રી સેલ્સિયસ વધુ છે.
