ભારતીય ક્રિકેટ બોર્ડના સેક્રેટરી દેવજીત સાઈકીઆએ મંગળવારે (20 માર્ચ) જાહેરાત કરી હતી કે આઈપીએલનો આ વર્ષે આરંભ હવે 28 માર્ચે થશે. ફાઈનલ 31 માર્ચે રમાશે. અગાઉ તેની શરૂઆત વહેલી, 26 માર્ચથી થવાની હતી અને ટુર્નામેન્ટ 30 મે સુધી ચાલવાની હતી, પણ પાંચ રાજ્યોમાં વિધાનસભાની ચૂંટણીઓ આ મહિનામાં થવાની છે, તેના કારણે આઈપીએલ 2026ના કાર્યક્રમમાં ફેરફાર કરવાની ભારતીય ક્રિકેટ બોર્ડને ફરજ પડી છે.
સાઈકીઆએ કહ્યું હતું કે શરૂઆતના 20 દિવસની મેચોનો કાર્યક્રમ આગામી બે-ત્રણ દિવસમાં જાહેર કરાશે, બાકીનો કાર્યક્રમ પછીથી જાહેર થશે.
ટુર્નામેન્ટનો આરંભ બે દિવસ પાછો ઠેલાયો છે, તો વિસ્તૃત કાર્યક્રમ હજી નક્કી નથી, તે હવે પછી જાહેર થશે. વધુ એક ફેરફારમાં ગત વર્ષના ચેમ્પિયન રોયલ ચેલેન્જર્સ બેંગલોરને હવે તેના અસલ હોમ ગ્રાઉન્ડ, બેંગલોરના જ એમ. ચિન્નાસ્વામી સ્ટેડિયમના ઉપયોગની મંજુરી કર્ણાટક સ્ટેટ ક્રિકેટ એસોસિએશને આપી હોવાથી બેંગલોરની ચાર હોમ ગ્રાઉન્ડ મેચ બેંગલોરમાં રમાશે.
આ વર્ષની ફાઈનલ તથા એક કે બે પ્લેઓફ મેચ પણ બેંગલોરમાં જ રમાશે. આરસીબીની બાકીની બે હોમ મેચ છત્તીસગઢના રાયપુરમાં રમાશે.
