સાઉથ ઇન્ડિયન અને બોલીવૂડના બે દિગ્ગજ અભિનેતા કમલ હાસન અને રજનીકાંત 47 વર્ષ પછી એક ફિલ્મમાં સાથે જોવા મળશે.
આ અંગે ચર્ચા લાંબા સમયથી થતી હતી. હવે આ ફિલ્મના નિર્માતાઓએ હવે તેની અધિકૃત જાહેરાત કરી છે. થોડા મહિના પહેલાં જ કમલ હાસન અને રજનીકાંત બંનેએ સંકેત આપ્યો હતો કે, તેઓ એક ફિલ્મમાં સાથે જોવા મળશે.
રજનીકાંતની પુત્રી સૌંદર્યાએ પણ તેના પિતા અને કમલ હાસન સાથે ફિલ્મ કરવાના હોવાનું કહ્યું હતું. અત્રે ઉલ્લેખનીય છે કે, આ બંને પીઢ અભિનેતા અત્યાર સુધીમાં તમિલ, તેલુગુ અને હિન્દી ભાષામાં કુલ 21 ફિલ્મોમાં સાથે કામ કરી ચૂક્યા છે, જોકે, તેમાંની કેટલીક ફિલ્મોમાં તેમણે કેમિયો કર્યો હતો.
