અમેરિકાના સેન્ટ્રલ જર્સી વિભાગની સંત મીરા બાઈ શાખાએ 20 ફેબ્રુઆરીના રોજ શિક્ષણ, સાંસ્કૃતિક આદાન-પ્રદાન અને સહિયારા મૂલ્યોને પ્રકાશિત કરતા એક ખાસ કાર્યક્રમ સાથે બ્લેક હિસ્ટ્રી મંથની ઉજવણી કરી હતી.
શાખાએ સ્થાનિક શાળાઓ ફોર્ડ્સ મિડલ સ્કૂલના પ્રિન્સિપાલ શ્રીમતી જેનિફર મર્ફી; ફોર્ડ્સ મિડલ સ્કૂલના ELA શિક્ષક શ્રીમતી પ્રેશિયસ એકોસ્ટા; FMSના પેરા-પ્રોફેશનલ શ્રીમતી એમિલિયા માર્ટિનેઝ અને કોલોનિયા હાઇ સ્કૂલના નિવૃત્ત વાઇસ પ્રિન્સિપાલ કેવિન હેરિસનનું સ્વાગત કર્યું હતું. શ્રીમતી માર્ટિનેઝ અને શ્રીમતી એકોસ્ટા તેમની પુત્રીઓ તથા અન્ય મહેમાનો સાથે પરંપરાગત શાખા ખેલ (રમત), શાખાની પરંપરાગત પ્રવૃત્તિઓ તથા પ્રાર્થનામાં જોડાયા હતા.
શાખાના વિભાગ કાર્યવાહ કેશવજી અને સહ કાર્યવાહિકા પ્રજાકતાજીએ મહેમાનોનું શાલ ઓઢાડી સન્માન કર્યું હતું. સાંજનું સમાપન સમોસા પર અનૌપચારિક ચર્ચાઓ સાથે થયું હતુ જે મિત્રતા અને પરસ્પર આદરના બંધનને મજબૂત બનાવે છે.
કાર્યક્રમમાં હિન્દુ સ્વયંસેવક સંઘ યુએસએ અને હિન્દુ એજ્યુકેશન ફાઉન્ડેશન દ્વારા સાંસ્કૃતિક જાગૃતિ, શિક્ષણ અને સામુદાયીક સંવાદિતાને પ્રોત્સાહન આપવાના ચાલુ પ્રયાસોને પ્રતિબિંબિત કરવામાં આવ્યા હતા.
