શિલ્પા શેટ્ટી અને જેકી શ્રોફ 25 વર્ષ પછી ફરી સાથે કામ કરે તેવા સંજોગો ઊભા થઇ રહ્યા છે. તે બંને છેલ્લે વર્ષ 2000માં જંગ ફિલ્મમાં સાથે જોવા મળ્યા હતા. શિલ્પા શેટ્ટી અને જેકી શ્રોફ અમેઝોન પ્રાઇમ વીડિયો સીરીઝમાં મુખ્ય ભૂમિકા માટે ચર્ચા કરી રહ્યા છે.
સૂત્રોના જણાવ્યા મુજબ, આ પ્રોજેક્ટ આઠ એપિસોડનો એક લાઇફ ડ્રામા હશે. તેની સ્ક્રિપ્ટ તૈયાર થઇ ગઇ છે અને પ્રોડકશન ટીમ મુંબઇ અને પૂણેમાં લોકેશનની પસંદગી કરી રહી છે. યુનિટ ટૂંક સમયમાં શૂટિંગ શરૂ કરે તેવી તૈયારી થઇ રહી છે. સૂત્રો કહે છે કે, મુખ્ય શૂટિંગ માટે 60 દિવસનો સમય નક્કી કરવામાં આવ્યો છે. પ્રોડક્શન ટીમે શિલ્પા શેટ્ટી અને જેકી શ્રોફની તારીખો લઇ લીધી છે
