કેલિફોર્નિયાના ડોલ્બી થીએટર ખાતે 15 માર્ચ 2026ના રોજ યોજાયેલા 98માં ઓસ્કાર એવોર્ડ સમારંભમાં કાર્ડ કોમેડી થ્રીલર ફિલ્મ ‘વન બેટલ આફટર અનધર’ છ ટ્રોફી સાથે છવાઈ ગઈ હતી. આ ફિલ્મને બેસ્ટ પિક્ચર, બેસ્ટ ડિરેક્ટર અને બેસ્ટ એડેપ્ટેડ સ્ક્રીનપ્લે સહિતના એવોર્ડ મળ્યાં હતાં. સીન પેનને આ ફિલ્માં બેસ્ટ સપોર્ટિંગ એક્ટરનો એવોર્ડ મળ્યો હતો. પેન માટે આ ત્રીજો ઓસ્કાર હતો.
‘સિનર્સ’ને કુલ 16 નોમિનેશન મળ્યાં હતાં, જે ઓસ્કારના લગભગ 100 વર્ષ જૂના ઇતિહાસમાં અન્ય કોઈપણ ફિલ્મ કરતાં વધુ હતાં. જોકે ફિલ્મને કુલ એવોર્ડ મળ્યાં હતા, જેમાં માઈકલ બી. જોર્ડનને શ્રેષ્ઠ અભિનેતાની ટ્રોફી મળી હતી. આ ફિલ્મમાં તેને જોડિયા ભાઈઓ સ્મોક અને સ્ટેકની બેવડી ભૂમિકાઓ ભજવી હતી. ‘સિનર્સ’ માટે સિનેમેટોગ્રાફી સન્માન જીતનાર ઓટમ ડ્યુરાલ્ડ આર્કાપાવ પ્રથમ મહિલા અને પ્રથમ અશ્વેત સિનેમેટોગ્રાફર બન્યાં હતાં.
‘હેમ્નેટ’માં વિલિયમ શેક્સપિયરની પત્ની એગ્નેસ હેથવેની ભૂમિકા ભજવવા બદલ આઇરિશ અભિનેત્રી જેસી બકલેને શ્રેષ્ઠ અભિનેત્રીનો એવોર્ડ મળ્યો હતો. આ ફિલ્મમાં દંપતી તેમના 11 વર્ષના પુત્ર “હેમ્નેટ”ના મૃત્યુ પછી કેવી રીતે જીવન પસાર થાય છે તે દર્શાવવામાં આવ્યું છે.
૭૫ વર્ષીય એમી મેડિગનને હોરર ફિલ્મ ‘વેપન્સ’માં આન્ટ ગ્લેડીસની ભૂમિકા માટે શ્રેષ્ઠ સહાયક અભિનેત્રીનો એવોર્ડ મળ્યો હતો. મેડિગનને પ્રથમ નોમિનેશનના ૪૦ વર્ષ પહેલો ઓસ્કાર મેળવ્યો હતો. ‘KPOP ડેમન હન્ટર્સ’ શ્રેષ્ઠ એનિમેટેડ ફીચરની ટ્રોફી મળી હતી. તેના આકર્ષક ગીત “ગોલ્ડન”ને શ્રેષ્ઠ ઓરિજિનલ સોંગનો એવોર્ડ મળ્યો હતાં.
ઓસ્કાર વિજેતા
બેસ્ટ એક્ટર માઈકલ બી. જોર્ડન (સિનર્સ)
બેસ્ટ એક્ટ્રેસ જેસી બકલે (હેમ્નેટ)
બેસ્ટ પિક્ચર વન બેટલ આફ્ટર અનધર (પોલ થોમસ)
બેસ્ટ ડિરેક્ટર પોલ થોમસ (વન બેટલ આફ્ટર અનધર)
બેસ્ટ ફિલ્મ એડિટિંગ એન્ડી જુર્ગેનસેન (વન બેટલ આફ્ટર અનધર)
બેસ્ટ સિનેમેટોગ્રાફી એટમન ડ્યુરાલ્ડ (સિનર્સ)
બેસ્ટ એક્ટ્રેસ સપોર્ટિંગ એમી મેડિગન (વેપન્સ)
બેસ્ટ એનિમેટેડ ફીચર ફિલ્મ કે-પોપ ડેમન હન્ટર્સ
બેસ્ટ એક્ટર સપોર્ટિંગ રોલ સીન પેલ (વન બેટલ આફટર અનધર)
બેસ્ટ ઓરિજિનલ સ્ક્રીનપ્લે રાયન કૂગલર (સિનર્સ)
બેસ્ટ એડેપ્ટેડ સ્ક્રિનપ્લે પોલ થોમસ એન્ડરસન (વન બેટલ આફ્ટર અધર)
બેસ્ટ વિઝ્યુઅલ ઇફેક્ટ્સ જેમ્સ કેમેરોન (અવતાર: ફાયર એન્ડ એશ)
