અમેરિકાની કરન્સી નોટ પર પ્રથમ વખત પ્રેસિડન્ડ ડોનાલ્ડ ટ્રમ્પના હસ્તાક્ષર દેખાશે. અમેરિકાની 250મી વર્ષગાંઠના પ્રસંગે આ મોટો ફેરફાર કરવાનો નિર્ણય કરાયો હતો. પરંપરાગત રીતે ફક્ત યુ.એસ. ટ્રેઝરર અને ટ્રેઝરી સેક્રેટરી જ ચલણ પર સહી કરતાં હોય છે. ટ્રમ્પ ૧૬૫ વર્ષની પરંપરા તોડીને પેપર કરન્સી પર પોતાના હસ્તાક્ષર ધરાવતા પહેલા વર્તમાન પ્રેસિડન્ટ બનશે.
અમેરિકાના નાણા વિભાગે હેરાત કરી હતી કે આ ઉનાળાથી યુએસ પેપર કરન્સી પર ડોનાલ્ડ ટ્રમ્પના હસ્તાક્ષર જોવા મળશે. અમેરિકાના ઇતિહાસમાં આ પ્રથમ ઘટના હશે જ્યારે કોઈ વર્તમાન અમેરિકન પ્રમુખના હસ્તાક્ષર ચલણી નોટો પર છાપવામાં આવશે. આ નવા ફેરફાર મુજબ, જૂન મહિનાથી 100 ડોલરની પ્રથમ નોટો છાપવામાં આવશે, જેમાં ટ્રમ્પ અને નાણાપ્રધાન સ્કોટ બેસેન્ટના હસ્તાક્ષર હશે.
આનાથી 1861થી ચાલી આવતી પરંપરાનો અંત આવશે, કારણ કે હવેથી નોટો પર યુએસ ટ્રેઝરરના હસ્તાક્ષર લેવામાં આવશે નહીં. લિન્ના માલેરબા છેલ્લા ટ્રેઝરર હશે, જેમના હસ્તાક્ષર અત્યાર સુધીની નોટો પર જોવા મળતા હતા.
ટ્રેઝરી સેક્રેટરી સ્કોટ બેસેન્ટે આ નિર્ણયને યોગ્ય ઠેરવતા જણાવ્યું હતું કે, ટ્રમ્પના બીજા કાર્યકાળ દરમિયાન અમેરિકાનો આર્થિક વિકાસ અને ડોલરની મજબૂતી ઐતિહાસિક રહી છે, તેથી ચલણી નોટો પર તેમનું નામ હોવું એ દેશની સિદ્ધિઓનું સન્માન છે. જોકે, કાયદાકીય મર્યાદાઓને કારણે જીવિત વ્યક્તિની તસવીર સિક્કા પર છાપી શકાતી નથી, તેથી નોટોની ડિઝાઇનમાં કોઈ મોટો ફેરફાર કરવામાં આવશે નહીં, માત્ર હસ્તાક્ષર બદલાશે.
