આ સપ્તાહના અંતે શરૂ થઈ રહેલી આઈપીએલ 2026માં મહત્ત્વના ખેલાડીઓ ઈજાગ્રસ્ત થવાના પગલે સમગ્ર સીઝનમાં રમી શકે તેમ નહીં હોવાના કારણે એ ટીમ ફ્રેન્ચાઈઝને મોટા ફટકા પડવાના અહેવાલો છે. કોલકાતા નાઈટ રાઈડર્સને તો આવા બે મહત્ત્વના ફાસ્ટ બોલર્સ – હર્ષિત રાણા અને આકાશદીપ ઈજાગ્રસ્ત હોવાના કારણે સમગ્ર સીઝનમાં નહીં રમી શકે તેવું જાણવા મળે છે.
હર્ષિત ટી-20 વર્લ્ડ કપ દરમિયાન ઈજા પામ્યો હતો, તો આકાશદીપ હજી સુધી ટીમના ટ્રેનિંગ સેશન્સમાં દેખાયો નથી. તે હાલમાં ભારતીય ક્રિકેટ બોર્ડના બેંગલુરુ ખાતેના સેન્ટર ઓફ એક્સેલન્સમાં રીહેબિલિટેશન પ્રોગ્રામ હેઠળ છે. તેની ઈજા શું છે તે વિષે કોઈ વિગતો પ્રાપ્ત નથી. શ્રીલંકન ઝડપી બોલર મથિશા પથિરાણા પણ કેકેઆરની ટીમમાં છે, પણ તેને હજી શ્રીલંકન ક્રિકેટ બોર્ડની એનઓસી મળી નથી, તેથી તે પણ શરૂઆતની થોડી મેચ રમી શકે નહીં તેવી શક્યતા છે.
ઓસ્ટ્રેલિયન ફાસ્ટ બોલર નાથન એલિસ પણ ઈજાના પગલે આ વર્ષે આઈપીએલમાં રમી શકે તેમ નહીં હોવાથી ચેન્નાઈ સુપર કિંગ્સને તેની ખોટ સાલી શકે છે. તો ઈંગ્લેન્ડનો ઓલરાઉન્ડર સેમ કરન ઈજાગ્રસ્ત થતાં રાજસ્થાન રોયલ્સને, ઓસ્ટ્રેલિયાના બેટર ઓલરાઉન્ડર જેક એડવર્ડ્ઝને પગમાં ઈજા છે, જ્યારે ફાસ્ટ બોલર નાથન એલિસ હેમસ્ટ્રિંગ ઈજાને કારણે IPL 2026માંથી બહાર થઈ ગયો છે, જેની ચેન્નાઈ સુપર કિંગ્સને અસર પડશે.
સેમ કરન આ વર્ષે રાજસ્થાન રોયલ્સ માટે રમવાનો હતો, પરંતુ ગ્રોઈન ઈન્જરીના કારણે તે બહાર થઈ ગયો છે. જ્યારે સનરાઈઝર્સ હૈદરાબાદ માટે જેક એડવર્ડ્સ IPL ડેબ્યુ કરવાનો હતો, પરંતુ પગમાં ઈજા થવાના કારણે સમગ્ર સીઝનમાંથી બહાર થઈ ગયો છે. સનરાઈઝર્સ હૈદરાબાદ માટે વધુ મુશ્કેલી પેટ કમિન્સની પણ શરૂઆતની મેચોમાં ગેરહાજરીની છે.
મુંબઈ ઈન્ડિયન્સના ઈજાગ્રસ્તોની યાદીમાં ઓસ્ટ્રેલિયાના મિચેલ સ્ટાર્ક અને મેથ્યુ શોર્ટ તથા ઈંગ્લેન્ડના લોકી ફર્ગ્યુસન, શ્રીલંકાના ઈશાન મલિંગાનો સમાવેશ થાય છે.
