જુનિયર ડોક્ટરોને માર્ગદર્શન અને સર્જિકલ તાલીમ આપવામાં ઉત્કૃષ્ટ યોગદાન આપનાર વોટફોર્ડ જનરલ હોસ્પિટલના કન્સલ્ટન્ટ સર્જન ડૉ. વનાશ પટેલને સર્જનોને ઓળખ આપતા એસોસિએશન ઓફ સર્જન્સ ઇન ટ્રેનિંગ દ્વારા સિલ્વર સ્કેલ્પલ એવોર્ડ એનાયત કરવામાં આવ્યો છે.
શિક્ષણમાં યોગદાન બદલ પ્રતિષ્ઠિત રાષ્ટ્રીય સન્માન મેળવનાર શ્રી પટેલ, એક કન્સલ્ટન્ટ કોલોરેક્ટલ સર્જન, કોલોરેક્ટલ કેન્સર સર્જરી અને રોબોટિક સર્જિકલ તકનીકોમાં તાલીમાર્થીઓને શીખવવામાં મુખ્ય ભૂમિકા ભજવે છે. તેમણે એક સંરચિત તાલીમ કાર્યક્રમ વિકસાવ્યો છે જે યુવાન સર્જનોને રોબોટિક અને સિમ્યુલેશન-આધારિત ટેકનીકો શીખવાની સાથે વ્યવહારુ અનુભવ મેળવવા સક્ષમ બનાવે છે.
શ્રી પટેલે કહ્યું કે આગામી પેઢીના ડોક્ટરોને ટેકો આપવો એ વરિષ્ઠ ક્લિનિશિયનો માટે એક મુખ્ય જવાબદારી છે. તેમણે એવોર્ડ પ્રાપ્ત કરવાને “જબરદસ્ત સન્માન” તરીકે વર્ણવ્યું હતું કેમ કે તેમના તાલીમાર્થીઓ તરફથી તેમને મોનિનેટ કરાયા હતા.
