ગુજરાતમાં વિધાનસભા ચૂંટણી પહેલા ભાજપના ભૂતપૂર્વ સાંસદ પ્રભાતસિંહ ચૌહાણ મંગળવારે કોંગ્રેસમાં જોડાયા હતા. 81 વર્ષીય નેતા કોંગ્રેસના નેતાઓ મોહન પ્રકાશ અને સિદ્ધાર્થ પટેલની હાજરીમાં પાર્ટીમાં જોડાયા હતા. ભાજપે 2019માં પંચમહાલ લોકસભા બેઠક પરથી ચૌહાણને ટિકિટ આપવાનો ઇનકાર કર્યો હતો.
કોંગ્રેસમાં જોડાયા બાદ તેમણે જણાવ્યું હતું કે ગુજરાતમાં ભાજપ નિષ્ફળ ગઈ છે. પાર્ટી ભવિષ્યની ચૂંટણી જીતવાની નથી. આ જ કારણ છે કે હું કોંગ્રેસમાં જોડાયો છું. ચૌહાણના પુત્રવધૂ સુમન ચૌહાણ પંચમહાલ જિલ્લાના કાલોલના ભાજપના ધારાસભ્ય છે.સુમન ચૌહાણે જણાવ્યું હતું કે તે તેનો અંગત નિર્ણય હતો. હું ભાજપ સાથે છું અને મારો પરિવાર પણ ભાજપ સાથે છે.
પ્રભાતસિંહ ચૌહાણ 2009 થી 2019 સુધી સંસદ સભ્ય હતા. અગાઉ તેઓ 2004 થી 2007 સુધી રાજ્યમાં ભાજપ સરકારમાં આદિજાતિ વિકાસ પ્રધાન હતા.
