અમેરિકામાં સ્થાયી થવા અને નોકરી કરવા માંગતા વિદેશી વ્યાવસાયિકો, ખાસ કરીને ભારતીય આઈટી નિષ્ણાતો માટે મહત્વના સમાચાર સામે આવ્યા છે. યુએસ સિટીઝનશિપ એન્ડ ઇમિગ્રેશન સર્વિસીસ (USCIS) દ્વારા નોન-ઇમિગ્રન્ટ વર્કર પિટિશન ફોર્મમાં મોટા ફેરફારો કરવામાં આવ્યા છે, જેનો અમલ ૧ એપ્રિલ, ૨૦૨૬થી શરૂ થઈ ગયો છે.
અમેરિકન ટેકનોલોજી કંપનીઓ દ્વારા H-1B વિઝાનો વ્યાપક ઉપયોગ કરવામાં આવે છે અને તેમાં ભારતીય વ્યાવસાયિકોનો હિસ્સો સૌથી મોટો હોય છે, ત્યારે આ નવા ફેરફારોની સીધી અસર તેમના પર પડશે.
નવા નિયમો મુજબ, USCIS હવે I-129 ફોર્મનું જૂનું વર્ઝન સ્વીકારશે નહીં. અરજદારોએ ૨ એપ્રિલથી જ ફોર્મનું નવું વર્ઝન સબમિટ કરવું ફરજિયાત રહેશે, જોકે ૩૧ માર્ચ, ૨૦૨૬ પહેલા ફાઈલ કરવામાં આવેલી અરજીઓ માટે જૂનું ફોર્મ માન્ય ગણવામાં આવશે. H-1B વિઝા પ્રોગ્રામ હેઠળ અમેરિકન એમ્પ્લોયર્સ વિદેશી કામદારોને કામચલાઉ ધોરણે નોકરી પર રાખે છે, જેના માટે અરજદાર પાસે સંબંધિત ક્ષેત્રમાં વિશેષતા અથવા ઓછામાં ઓછી બેચલર ડિગ્રી હોવી અનિવાર્ય છે. સુધારેલા ફોર્મમાં H1 ક્લાસિફિકેશન સેક્શનમાં ફેરફાર કરાયા છે, જે નવી ‘વેજ લોટરી સિસ્ટમ’ હેઠળ નાણાકીય વર્ષ ૨૦૨૭ માટે લાગુ થશે.
આ નવી પ્રક્રિયા હેઠળ હવે એમ્પ્લોયર્સે નોકરી માટેની લઘુત્તમ લાયકાત, ઓફર કરવામાં આવેલ પગાર, લેબર કન્ડિશન એપ્લિકેશન (LCA) મુજબ વેજ લેવલ, કામનું સ્થળ અને રોજગારની વ્યવસ્થા અંગેની વિસ્તૃત વિગતો જાહેર કરવી પડશે. આ ઉપરાંત, કર્મચારીના ઈમિગ્રેશન ઈતિહાસનો ખુલાસો કરવો પણ હવે ફરજિયાત બનશે અને તમામ અરજીઓની અત્યંત કડક તપાસ કરવામાં આવશે.
જોકે મુખ્ય વિઝા કેટેગરીમાં કોઈ ફેરફાર થયો નથી, પરંતુ આ નવા નિયમો માત્ર H-1B પૂરતા મર્યાદિત નથી. તે અરજદારોને રોકાણ લંબાવવા અથવા વિઝા સ્ટેટસ બદલવાની પણ મંજૂરી આપે છે. આ ફોર્મનો ઉપયોગ H-2A, L-1, O-1, અને P-1 જેવી વિવિધ કેટેગરીના કામદારો માટે પણ કરી શકાશે.
નવા ફોર્મ દ્વારા વિદ્યાર્થીઓ પણ સ્ટડી વિઝામાંથી વર્ક વિઝામાં ટ્રાન્ઝિશન માટે અરજી કરી શકશે, પરંતુ નવી નવી માર્ગદર્શિકા મુજબ અમેરિક અમેરિકન એમ્પ્લોયર્સ હવે H-1B પ્રોગ્રામ હેઠળ F-1 વિદ્યાર્થીઓને હાયર કરી શકશે નહીં. આ સુધારાઓની સૌથી મોટી અસર તે દેશો અને કંપનીઓ પર પડશે જે અમેરિકામાં ઉચ્ચ કુશળ શ્રમિકો મોકલે છે. નિષ્ણાતો માને છે કે આ ફેરફારોને કારણે હવે વિઝા મેળવવાની પ્રક્રિયા વધુ જટિલ અને પારદર્શક બનશે.
