ભારત વચગાળાના વેપાર કરાર હેઠળ હાઇ-એન્ડ અમેરિકન કાર પરની ટેરિફ 110%થી ઘટાડીને 30% કરશે અને હાર્લી-ડેવિડસન બાઇક પરની ડ્યુટી નાબૂદ કરશે, પરંતુ ઇલેક્ટ્રિક વાહનો માટે છૂટછાટ આપશે નહીં, આ પગલાથી ટેસ્લા ઇલોન મસ્કની ટેસ્લાને કોઇ લાભ થશે નહીં.
અધિકારીએ ઉમેર્યું હતું કે, સોદામાંથી ઇલેક્ટ્રિક વાહનોને બાકાત રાખવામાં આવ્યા છે, જેનાથી ટેસ્લા માટે સંભવિત નીચા-ટેરિફ સાથે ભારતના બજારમાં પ્રવેશનો માર્ગ બંધ થઈ ગયો છે.આમ મસ્કની મુખ્ય માંગની અવગણના કરાઈ છે.
ભારત વચગાળાના વેપાર કરાર હેઠળ 800-1,600 સીસી અને તેથી વધુ એન્જિન ક્ષમતા ધરાવતી બાઇકની આયાત જકાત ઘટાડી શૂન્ય કરશે. તેનાથી અમેરિકાની આઇકોનિક બ્રાન્ડ હાર્લી-ડેવિડસનને ફાયદો થશે. ભારત 2,500 સીસી અને વધુ ક્ષમતાની અમેરિકાની ડીઝલ કાર તથા 3,000 સીસી અને વધુ ક્ષમતાના પેટ્રોલ વ્હિકલ્સને પણ ડ્યૂટીમાં રાહત આપશે. ભારતનું આ પગલું મહત્વપૂર્ણ છે,કારણ કે યુએસ પ્રેસિડેન્ટ અગાઉ અનેક વખત હાર્લી-ડેવિડસન મોટરસાયકલ પર ભારતની જંગી આયાત જકાતનો મુદ્દો ઉઠાવી ચૂક્યા છે.
