ટોક્યો ઓલિમ્પિક્સમાં અમદાવાદની સ્વિમર માના પટેલ મહિલાઓની 100 મીટર બેકસ્ટ્રોકની સેમિફાઈનલમાં પ્રવેશ કરવામાં નિષ્ફળ રહી હતી. માના પટેલ પોતાની હીટમાં બીજા ક્રમે રહી હતી. તમામ હીટમાંથી ટોપ-16 સ્વિમર્સ સેમિફાઈનલ માટે ક્વોલિફાઈ થયા હતા.
21 વર્ષીય માના પટેલ હીટ-1માં 1:05.20ના સમય સાથે બીજા ક્રમે રહી હતી. જ્યારે ઝિમ્બાબ્વેની ડોનાટા કાતાઈ 1:02.20ના સમય કરતા ત્રણ સેકન્ડ પાછળ રહી હતી. માના પટેલ પોતાના વ્યક્તિગત શ્રેષ્ઠ ટાઈમિંગને પાર કરી શકી ન હતી. તમામ હીટની સ્વિમર્સમાં માના પટેલ 39માં ક્રમે રહી હતી. માના પટેલ ‘એ’ કટ મેળવવામાં નિષ્ફળ રહ્યા બાદ યુનિવર્સાલિટી ક્વોટાના માધ્યમથી ટોક્યો ઓલિમ્પિક્સ માટે ક્વોલિફાઈ થઈ હતી. માના પટેલ આ સિવાય અન્ય કોઈ ઈવેન્ટ માટે ક્વોલિફાઈ થઈ નથી, જેના કારણે તેના માટે ઓલિમ્પિક્સ પૂરી થઈ ગઈ છે.
