પેન્ટાગોનના વડા હેગસેથે વિશ્વવિખ્યાત હાર્વર્ડ યુનિવર્સિટી સાથેના તમામ શૈક્ષણિક સંબંધો તોડી નાંખવાની જાહેરાત જાહેરાત કરતાં 6 ફેબ્રુઆરીએ જણાવ્યું હતું કે તે રાષ્ટ્ર વિરોધી (વોક) વિચારધારાને પ્રોત્સાહન આપે છે અને અમેરિકાના ભાવિ લશ્કરી અધિકારીઓને તૈયાર કરવા માટે અયોગ્ય છે. આનાથી મિલિટરી ટ્રેનિંગ, ફેલોશીપ અને સર્ટિફિકેટ પ્રોગ્રામનો અંત આવશે.
હેગસેથે સોશિયલ મીડિયા X પરની એક પોસ્ટમાં જણાવ્યું હતું કે હાર્વર્ડ યુનિવર્સિટી સાથેના તમામ પ્રોફેશનલ મિલિટરી શિક્ષણ, ફેલોશિપ અને સર્ટિફિકેટ પ્રોગ્રામ વોર ડિપાર્ટમેન્ટ ઔપચારિક રીતે બંધ કરશે. હાર્વર્ડ દેશ વિરોધી છે. યુદ્ધ વિભાગ દેશવિરોધી નથી. હાર્વર્ડ હવે લશ્કરી કર્મચારીઓને આવકારતી નથી અથવા યુએસ મૂલ્યો સાથે સુસંગત રહી નથી. કેમ્પસના રીસર્ચ પ્રોગ્રામમાં ચીની કમ્યુનિસ્ટ પાર્ટી સાથે ભાગીદારી થઈ રહી છે. કેમ્પસમાં હમાસ તરફી અને યહૂદીઓ વિરોધી દેખાવો, સુપ્રીમ કોર્ટના આદેશોનું ઉલ્લંઘન કરીને જાતિના આધારે ભેદભાવ વગેરેને પ્રોત્સાહન આપવામાં આવે છે.
આ નિર્ણયની સાથે અમેરિકાની મિલિટરી અને હાર્વર્ડ વચ્ચેના લાંબા ગાળાના શૈક્ષણિક સંબંધોનો અંત આવ્યો છે. હેગસેથે જણાવ્યું હતું કે આ નિર્ણય 2026-2027 શૈક્ષણિક વર્ષથી અમલમાં આવશે, જેનાથી હાર્વર્ડ ખાતે સ્નાતક-સ્તરના પ્રોફેશનલ મિલિટરી એજ્યુકેશન પ્રોગ્રામનો અંત આવશે. હાલમાં સમાવેશ કરાયેલા અધિકારીઓને કોર્સ પૂરા કરવાની મંજૂરી અપાશે. યુનિવર્સિટી અમારા યૌદ્ધાઓને વધુ સારી સમજશે અને પ્રશંસા કરશે તેવી આશાથી ઘણા લાંબા સમયથી આ વિભાગે અમારા શ્રેષ્ઠ અને તેજસ્વી અધિકારીઓને હાર્વર્ડ મોકલ્યા છે. જોકે અમારા ઘણા અધિકારીઓ હાર્વર્ડની વિચારધારા લઇને પાછા આવ્યાં છે. તેમનામાં વૈશ્વિકવાદી અને કટ્ટરપંથી વિચારધારા આવી ગઈ છે, જે અણારી લડાઈની ક્ષમતામાં સુધારો કરતાં નથી.
પેન્ટાગોનના વડાએ એ પણ સ્વીકાર્યું હતું કેકે યુએસ મિલિટરીને એક સમયે યુનિવર્સિટી સાથે ગહન અને ફળદ્રુપ સંબંધો હતાં. 19775માં જનરલ જ્યોર્જ વોશિંગ્ટને હાર્વર્ડ યાર્ડમાં કોન્ટિનેન્ટલ આર્મીની કમાન સંભાળી હતી. કોરિયન યુદ્ધ દરમિયાન હાર્વર્ડમાં લશ્કરી સેવા સામાન્ય હતી. હાર્વર્ડમાંથી અન્ય કોઈપણ નાગરિક સંસ્થા કરતાં વધુ મેડલ ઓફ ઓનર મેળવનારાઓ છે.
