જાપાનની સામાન્ય ચૂંટણીમાં રવિવારે વડાપ્રધાન સના તાકાઈચીના ગઠબંધનનો ઐતિહાસિક વિજય થયો હતો. બ્રિટનની “આયર્ન લેડી” માર્ગારેટ થેચરને આદર્શ માનતા જાપાનના પ્રથમ મહિલા નેતા તાકાઇચીની લિબરલ ડેમોક્રેટિક પાર્ટીને 465માંથી 316 બેઠકો મળી હતી, જે અત્યાર સુધીનો પાર્ટીનો સર્વશ્રેષ્ઠ દેખાવ છે.
ગઠબંધન ભાગીદાર જાપાન ઇનોવેશન પાર્ટી સાથે તાકાઇચીના ગઠબંધનને 352 બેઠકો મળી હતી અને બે તૃતીયાંશ બેઠકોની સુપર મેજોરિટી હાંસલ કરી કરી હતી. ગયા વર્ષના અંતમાં 64 વર્ષીય તાકાઇચી વડાપ્રધાન બન્યાં હતાં. આ પછી તેમના એપ્રુવલ રેટિંગમાં વધારાને પગલે તેમણે વચગાળાની ચૂંટણીની જાહેરાત કરી હતી. મતદારો તેમની સીધી વાત કરનારી, મહેનતુ છબી તરફ આકર્ષાયા છે, પરંતુ તેમના રાષ્ટ્રવાદી વલણ અને સુરક્ષા પર ભાર મૂકતી નીતિઓને કારણે પાડોશી ચીન સાથેના સંબંધો કથળ્યાં છે.
અમેરિકાના પ્રેસિડન્ડ ડોનાલ્ડ ડોનાલ્ડ ટ્રમ્પ, ભારતના વડાપ્રધાન નરેન્દ્ર મોદી સહિતના વૈશ્વિક નેતાઓએ તકાચીને ચૂંટણીમાં વિજય બદલ અભિનંદન આપ્યાં હતાં. વડાપ્રધાન મોદીએ પણ સનાએ તાકાઈચીને ખાસ શુભેચ્છા પાઠવતા કહ્યું હતું કે પ્રતિનિધિ સભાની ચૂંટણીમાં ઐતિહાસિક જીત બદલ સનાએ તાકાઈચીને શુભેચ્છા, આપણી વિશેષ રણનૈતિક અને વૈશ્વિક ભાગીદારી દુનિયામાં શાંતિ, સ્થિરતા અને સમૃદ્ધિ વધારવામાં મહત્વપૂર્ણ ભૂમિકા ભજવશે. મને વિશ્વાસ છે કે તમારા સક્ષમ નેતૃત્વમાં ભારત અને જાપાનની મિત્રતા નવી ઊંચાઈઓ સુધી પહોંચશે.
