ટોરોન્ટોમાં ભારતીય કોન્સ્યુલેટ જનરલ દ્વારા એલ્સ્પેથ હેવર્થ સેન્ટર ફોર વુમન (EHCW)ના સહયોગમાં શનિવાર, 7 માર્ચના રોજ ચાંદની કન્વેન્શન સેન્ટર, બ્રેમ્પટન ખાતે આંતરરાષ્ટ્રીય મહિલા દિવસની ઉજવણી કરવામાં આવી હતી. આ પ્રસંગે જરૂરિયાતમંદ ભારતીય મહિલાઓ માટે મહત્વપૂર્ણ સહાય પ્રણાલીઓ પર પ્રકાશ પાડવામાં આવ્યો હતો અને મહિલાઓની સિદ્ધિઓનું સન્માન કરવામાં આવ્યું હતું.
સભાને સંબોધતા, કાર્યકારી કોન્સ્યુલ જનરલ કપિધવાજા પ્રતાપ સિંહે સમુદાય સાથે કોન્સ્યુલેટના સતત જોડાણ પર પ્રકાશ પાડ્યો હતો. તેમણે આ કાર્યક્રમમાં કોન્સ્યુલેટના વન સ્ટોપ સેન્ટર ફોર વુમનનો પરિચય પણ કરાવાયો હતો, જે મુશ્કેલીમાં મુકાયેલી ભારતીય મહિલાઓ માટે 24/7 સપોર્ટ હબ છે અને તે મહિલાઓને કાઉન્સેલિંગ, કાનૂની માર્ગદર્શન, મનોવૈજ્ઞાનિક મદદ, નાણાકીય સહાય અને સલામત આશ્રયસ્થાનો માટે સહાય પૂરી પાડે છે.
આ પ્રસંગો લો એન્ફોર્સમેન્ટના પ્રતિનિધિઓ, સમુદાય સેવાઓ અને વિવિધ પ્રોફેશનલ ક્ષેત્રોના વક્તાઓએ મહિલાઓની સલામતી, સશક્તિકરણ અને સુખાકારી પર મૂલ્યવાન વક્તવ્યો આપ્યા હતા. આ કાર્યક્રમને જબરદસ્ત પ્રતિસાદ મળ્યો હતો અને ભારતીય ડાયસ્પોરાના સભ્યોએ મોટી સંખ્યામાં હાજરી આપી હતી.
