ઇરાન પર ઇઝરાયેલ સાથે મળીને હવાઇ હુમલા ચાલુ કર્યા પછી અમેરિકાના પ્રેસિડન્ટ ડોનાલ્ડ ટ્રમ્પે મંગળવારે સ્વીકાર્યું હતું કે સરકારે મધ્ય પૂર્વમાં ફસાયેલા અમેરિકનોને સુરક્ષિત બહાર કાઢવા માટે કોઇ યોજના ઘડી નથી કે કારણ કે તે બધું ખૂબ જ ઝડપથી બન્યું હતું. ટ્રમ્પની આ કબુલાતના થોડા સમયમાં થોડા સમય પછી વ્હાઇટ હાઉસના પ્રેસ સેક્રેટરી કેરોલિન લીવિટે મધ્ય પૂર્વમાં રહેતા અમેરિકનોને ઘરે પાછા ફરવામાં મદદ કરવા માટે એક ઓનલાઈન પોર્ટલની જાહેરાત કરી હતી.
લીવિટે સ્માર્ટ ટ્રાવેલર એનરોલમેન્ટ પ્રોગ્રામ (STEP) માટે રજિસ્ટ્રેશન લિંક પોસ્ટ કરીને જણાવ્યું હતું કે યુનાઇટેડ સ્ટેટ્સ સ્ટેટ ડિપાર્ટમેન્ટ મધ્ય પૂર્વમાં રહેતા અમેરિકનોને ઘરે પાછા ફરવામાં મદદ કરવા માટેની યોજનાઓ પર સક્રિયપણે કામ કરી રહ્યું છે. જો તમે આ પ્રદેશમાં અમેરિકન નાગરિક છો તો http://step.state.gov રજિસ્ટ્રેશન કરાવો.
ઇરાન સાથેની યુદ્ધ ઉગ્ર બન્યા પછી મધ્યપૂર્વના દેશોમાં હજારો અમેરિકન નાગરિકો ફસાયા છે. મોટાભાગના દેશોને એરસ્પેસ બંધ હોવાથી તેમની સુરક્ષા અને સલામતી અંગે ચિંતાઓ વધી રહી છે. મંગળવારની પ્રેસ કોન્ફરન્સમાં ટ્રમ્પે અમેરિકનોની સુરક્ષિત વાપસીની યોજના અંગે કોઇ વિગતો આપી ન હતી.
આ પછી સોશિયલ મીડિયામાં અમેરિકી નાગરિકો માટે મહત્ત્વનો સંદેશ આપતા ટ્રમ્પે જણાવ્યું હતું કે જો તેઓ ઘરે પાછા ફરવા માંગતા હોય, તો વિદેશ વિભાગ તેમને મદદ કરશે. ઓપરેશન એપિક ફ્યુરી શરૂ થયા પછી 9,000થી વધુ અમેરિકનો મધ્ય પૂર્વથી સુરક્ષિત રીતે ઘરે પાછા ફર્યા છે. જો તમે મધ્ય પૂર્વમાં યુએસ નાગરિક છો, અને તમે ઘરે આવવા માંગો છો, તો Step.State.Gov પર સ્ટેટ ડિપાર્ટમેન્ટમાં રજિસ્ટ્રેશન કરાવો. વિભાગ તમે ક્યાં છો તેની જાણકારી મેળવશે અને તમને મુસાફરીના વિકલ્પો પૂરા પાડશે. અમે પહેલેથી જ મફતમાં ચાર્ટર ફ્લાઇટ્સ કરી રહ્યા છીએ અને બીજી ફ્લાઇટ્સ વિકલ્પો બુક કરાવી રહ્યા છીએ, જે અમને અપેક્ષા છે કે સમય જતાં વધુને વધુ ઉપલબ્ધ થશે. યુએસ નાગરિકો +1-202-501-4444 પર 24/7 સ્ટેટ ડિપાર્ટમેન્ટ ટાસ્ક ફોર્સને પણ કૉલ કરી શકે છે.
