ભારતમાં કોરોનાવાઇરસના કેસોના વિસ્ફોટ અને નવા જોખમી ભારતીય ડબલ મ્યુટન્ટ વેરિયન્ટ (B.1.617)ને પગલે બ્રિટને શુક્રવાર તા. 23ના રોજ સવારના 4 વાગ્યાથી ભારત પર ટ્રાવેલના સૌથી આકરા નિયંત્રણો મૂકી ભારતને રેડ લીસ્ટમાં મૂક્યું છે. આમ યુકે, આયર્લેન્ડ અને યુકે રેસિડેન્ટ સિવાયના લોકો યુકે આવી શકશે નહિ. જે લોકો ભારતથી યુકે આવશે તેમને પોતાના ખર્ચે 10 દિવસ માટે હોટેલમાં ક્વોરેન્ટાઇન થવું પડશે. બીજી તરફ ભારતની સ્થિતિને જોતાં વડા પ્રધાન બોરીસ જોન્સને ભારતની નિર્ધારીત મુલાકાત રદ કરી છે.

કોરોનાના કેસમાં જંગી વધારાને પગલે સરકારે સત્તાવાર લોકડાઉનની જાહેરાત કરી નથી, પરંતુ અમદાવાદ, સુરત, રાજકોટ જેવા મહાનગરોના ઘણા વિસ્તારો તથા અનેક નાના શહેરો અને ગામડામાં સ્વૈચ્છિક લોકડાઉનની જાહેરાત થઈ હતી. ગુજરાતના જુદા-જુદા વેપારી સંગઠનો દ્વારા ત્રણ દિવસથી અઠવાડિયા સુધીના સ્વૈચ્છિક બંધ માટેની જાહેરાતો કરવામાં આવી હતી

12 એપ્રિલ, સોમવારે વહેલી સવારે લેસ્ટરના નોર્થફિલ્ડ્સ વિસ્તારના બ્રાઇટન રોડ ખાતે એક કારમાંથી માથામાં અને છાતીમાં ગંભીર ઈજાઓ સાથે મળી આવેલા 47 વર્ષીય આનંદ પરમારનું સારવાર દરમિયાન હોસ્પિટલમાં મરણ થતાં પોલીસે હત્યાનો ગુનો નોંધી તપાસ આદરી છે. પોલીસે હત્યા સંદર્ભે પાંચ જણાની ધરપકડ કરી છે જેમની કસ્ટડીમાં પૂછપરછ કરાઇ રહી છે.

ઇન્ડિયાનાપોલીસ ફેડએકસ ફેસીલીટી ખાતે ફેડએકસ ભૂતપૂર્વ કર્મચારીએ કરેલા આડેધડ ગોળીબારથી ત્રણ મ‌હિલા સ‌હિત ચાર શીખ ઉપરાંત અન્‍ય ચારનાં મોત નીપજ્યા હતા અને અન્‍ય પાંચને ઇજા થઇ હતી. હુમલાખોર ગનમેન ૧૯ વર્ષના બ્રાન્‍ડન સ્‍કોટ હોલે પોતે પણ આત્‍મહત્‍યા કરી લેતાં ફેડએકસ શૂટઆઉટનો મૃત્‍યુઆંક નવ થયો છે.

વિશ્વ આરોગ્ય સંગઠન(WHO)ના વડા ટેડ્રોસ ગેવ્યેસિસે વિશ્વને એવી ચેતવણી આપી છે કે, કોરોના વાઇરસ હાલમાં તો આપણી વચ્ચેથી જવાનો નથી અને લાંબા સમય સુધી તે રહેવાનો છે. તેમણે દુનિયાને સાવચેત રહેવા માટે અપીલ કરીને કહ્યુ છે કે, એશિયા અને મિડલ ઈસ્ટના દેશોમાં કોરોનાના કેસ સતત વધી રહ્યા છે.

ભારતમાં કોરોનાવાઇરસના કેસોના વિસ્ફોટ અને નવા ડબલ મ્યુટન્ટ વેરિયન્ટને પગલે બ્રિટને શુક્રવાર તા. 23ના રોજ સવારના 4 વાગ્યાથી ભારત પર ટ્રાવેલના સૌથી આકરા નિયંત્રણો મૂકવાની જાહેરાત કરી છે. આનો અર્થ એવો થાય છે કે યુકે કે આઇરિશ નાગરિક ન હોય અથવા તો યુકેની રેસીડેન્સી ધરાવતા ન હોય તેવા કોઇપણ વ્યક્તિએ જો મુસાફરી અગાઉના 10 દિવસ ભારતમાં રોકાણ કર્યું હશે તો તેઓ યુકેમાં પ્રવેશ કરી શકશે નહીં.

બ્રિટનના વડા પ્રધાન બોરીસ જોન્સને ભારતમાં ફાટી નીકળેલા કોરોનાવાયરસ રોગચાળા અને ભારતના નવા કોવિડ-19 વેરિયન્ટને ધ્યાનમાં રાખીને આવતા અઠવાડિયે નિર્ધારીત થયેલી ભારતની મુલાકાત રદ કરી હોવાની ભારતના વિદેશ મંત્રાલય (એમઇએ)એ જાહેરાત કરી હતી.

આરોગ્ય અધિકારીઓ કહે છે કે ભારતમાં પહેલી વખત ઓળખાયેલા અને વૈજ્ઞાનિકો દ્વારા “ડબલ મ્યુટન્ટ” તરીકે વર્ણવવામાં આવેલા ભારતના નવા વેરિયન્ટ (B.1.617)માં કેટલાક ચિંતાજનક આનુવંશિક ફેરફારો છે જેને શોધવાની જરૂર છે. તે વધુ ચેપી અને જીવલેણ છે અને રસીઓની અસર તેના પર કામ કરે છે કે નહિં કે તે કળવું મુશ્કેલ છે.

મહારાણી સહિત શાહી પરિવારના ચુનંદા 30 સભ્યોની ઉપસ્થિતિમાં શનિવાર તા. 17ના રોજ વિન્ડસર કાસલની ભવ્ય દિવાલોની પાછળ ડ્યુક ઑફ એડિનબરા પ્રિન્સ ફિલિપને અંતિમ વિદાય આપવામાં આવી હતી. કોરોનાવાયરસના નિયમોના કારણે અંતિમ સંસ્કાર વિધિમાં આમ જનતા અને અગ્રણી નેતાઓ લોકો હાજર રહી શક્યા નહોતા પરંતુ દેશ વિદેશમાં લાખ્ખો લોકોએ તેનું જીવંત ટીવી પ્રસારણ નીહાળ્યું હતું.

ભારતમાં છેલ્લાં છ દિવસથી કોરોના વાઇરસના બે લાખથી વધુ કેસો નોંધાઈ રહ્યાં છે ત્યારે વડાપ્રધાન નરેન્દ્ર મોદીએ મંગળવાર, 20 એપ્રિલે રાષ્ટ્રવ્યાપી સંબોધનમાં રાજ્યોને સલાહ આપી હતી કે રાજ્યો લોકડાઉનનો છેલ્લાં વિકલ્પ તરીકે ઉપયોગ કરે છે અને માઇક્રો કન્ટેનમેન્ટ પર ધ્યાન કેન્દ્રીત કરે.મોદીએ લોકોનો જરૂરી કામ સિવાય ઘરની બહાર ન નીકળવાની પણ સલાહ આપી હતી.મોદીએ જણાવ્યું હતું કે જો લોકો શિસ્તનું પાલન કરશે તો દેશમાં લોકડાઉનની જરૂર પડશે નહીં. લોકોની તબિયત અને અર્થતંત્રનું આરોગ્ય બંને જાળવવા જરૂરી છે, લોકડાઉન અંતિમ વિકલ્પ હોવો છે.

અમેરિકાએ તેના નાગરિકોને ભારતનો પ્રવાસ ટાળવાની સલાહ આપી છે. ભારતમાં કોવિડ-19ના ખૂબ ઊંચા પ્રમાણને કારણે સંપૂર્ણ વેક્સીન લીધી હોય તેવા નાગરિકોને પણ ભારત ન જવાની અમેરિકાએ સલાહ આપી છે.સેન્ટર્સ ફોર ડિસીઝ કંટ્રોલ એન્ડ પ્રિવેન્શન (CDC) એ સોમવારે આ ટ્રાવેલ એડવાઇઝરી જારી કરી હતી. તે વિજ્ઞાન આધારિત ટ્રાવેલ હેલ્થ નોટિસ જારી કરે છે અને વિશ્વભરમાં આરોગ્યના જોખમ અંગે મુસાફરોને એલર્ટ કરે છે. સીડીસી કોવિડ-19 માટે 4-લેવલ સિસ્ટમ ધરાવે છે

ઈન્ડિયન પ્રીમિયર લીગ – આઈપીએલની આ વર્ષે રવિવારે (11 એપ્રિલ) રમાયેલી ત્રીજી મેચમાં કોલકાતા નાઇટ રાઇડર્સે 10 રને સનરાઇઝર્સ હૈદરાબાદને હરાવી ટૂર્નામેન્ટમાં વિજયી આરંભ કર્યો હતો. કોલકત્તા તરફથી નીતીશ રાણા અને રાહુલ ત્રિપાઠીએ અડધી સદી ફટકારી હતી.

ટી-20 ક્રિકેટ વર્લ્ડ કપ આગામી ઓક્ટોબર – નવેમ્બરમાં ભારતમાં યોજાવાનો છે અને તે નિયત કાર્યક્રમ મુજબ ભારતમાં જ યોજાય તેવા આઈસીસીના પ્રયાસો છે, છતાં જરૂર પડ્યે વૈકલ્પિક પ્લાન ઘડાયો હોવાનું આઇસીસીના વચગાળાના સીઇઓ જ્યોફ એલાર્ડિસે ગયા સપ્તાહે જણાવ્યું હતું.