દેશના ઘણા પરિવારો નાણાકીય દબાણ હેઠળ છે ફુગાવાને કારણે 2024માં £10.50, 2025માં £5ના વધારા બાદ 1 એપ્રિલથી ટીવી લાઇસન્સનો ખર્ચ વાર્ષિક £5.50 વધવા સાથે કુલ £180 થશે. લાઇસન્સ ફીમાં માત્ર ત્રણ વર્ષમાં £21નો વધારો થયો છે. જો કે તેની સામે હાલમાં લોકો બીબીસી અને તેને સંલગ્ન કાર્યક્રમો જોતા નથી અથવા તો બીબીસી કાર્યક્રમોની વિશ્વસનીયતામાં ઘટાડો થયો છે.
વસુલવામાં આવતી લાઇસન્સ ફી બીબીસી ટેલિવિઝન, રેડિયો અને ઓનલાઈન સેવાઓને ભંડોળ પૂરું પાડે છે. 2022 માં સંમત થયેલા સમાધાન હેઠળ, 2027 સુધી ફુગાવા સાથે લાયસન્સ ફી સુસંગત રહેશે તેવી ખાતરી આપવામાં આવી છે.
સરકારે તેના વર્તમાન રોયલ ચાર્ટર ઉપરાંત બીબીસી કેવું દેખાવું જોઈએ તે અંગે જાહેર પરામર્શ શરૂ કર્યો છે, જે 2027 ના અંતમાં સમાપ્ત થઈ રહ્યો છે.
બીબીસીના પ્રવક્તાએ લાઇસન્સ ફીનો બચાવ કરતા કહ્યું હતું કે તે વિશ્વસનીય સમાચાર, બ્રિટિશ-નિર્મિત કાર્યક્રમો અને યુકેના સર્જનાત્મક ઉદ્યોગોને ટેકો આપવા માટે જરૂરી નાણાકીય સ્થિરતા પૂરી પાડે છે.
અત્રે ઉલ્લેખનીય છે કે જો તમે કોઈપણ ટીવી, ચેનલ, લેપટોપ, ટેબ્લેટ અને ફોન સહિત કોઈપણ ઉપકરણ પર લાઇવ સ્ટ્રીમ – કાર્યક્રમ જોતા ન હો અથવા બીબીસી આઈપ્લેયરનો ઉપયોગ કરતા ન હો તો તમારે ટીવી લાયસન્સ ફી ભરવાની કોઇ જ જરૂર નથી.
