બાંગ્લાદેશમાં તાજેતરમાં યોજાયેલી 13મી રાષ્ટ્રવ્યાપી સંસદીય ચૂંટણીમાં કુલ 83 મહિલાઓએ ઉમેદાવારી નોંધાવી હતી, જેમાં સાત મહિલાઓ ચૂંટાઇ હતી. આ ચૂંટાયેલી મહિલાઓમાં છ એ તારિક રહેમાનની બાંગ્લાદેશ નેશનાલિસ્ટ પાર્ટી (BNP)માંથી ઉમેદવારી નોંધાવી હતી. 12 ફેબ્રુઆરીએ યોજાયેલી સંસદીય ચૂંટણીમાં BNPને બે તૃતીયાંશથી વધુ બેઠકો મળી હતી. આ ચૂંટણીમાં વિવિધ 50 રાજકીય પક્ષો અને અપક્ષોના કુલ 2028 ઉમેદવારોએ 299 બેઠકો પર ચૂંટણીમાં ઝંપલાવ્યું હતું, જેમાં 83 મહિલાઓનો સમાવેશ થાય છે. ચૂંટાયેલા છ મહિલાઓએ BNPમાંથી ઉમેદવારી નોંધાવી હતી, જ્યારે એક મહિલા અપક્ષ તરીકે બ્રહ્માનબારિયા-2માંથી ચૂંટાઈ હતી. તેની અગાઉ BNPમાંથી હકાલપટ્ટી કરવામાં આવી હતી.
