અયોધ્યામાં 22 જાન્યુઆરીએ રામજન્મભૂમિ મંદિરમાં સ્થાપિત કરવામાં આવનારી રામલલાની મૂર્તિની તસવીરો જારી કરાઈ હતી. મૈસુરના જાણીતા શિલ્પકાર અરુણ યોગીરાજે બનાવેલી 51 ઈંચની મૂર્તિ કાળા પથ્થરમાંથી કોતરવામાં આવી છે. આ મૂર્તિની વિશેષતાઓ આ મુજબ છે.
-રામલલાની આ પ્રતિમા કર્ણાટકના શિલ્પકાર અરુણ યોગીરાજે તૈયાર કરી છે. તેને એક જ પત્થરમાંથી બનાવવામાં આવી છે.
-આ મૂર્તિનું વજન આશરે 150 કિલો છે. મૂર્તિની ઊંચાઈ 4.24 ફૂટ અને પહોળાઈ ત્રણ ફૂટ છે. આ મૂર્તિમાં ભગવાન શ્રી રામને 5 વર્ષના બાળ સ્વરૂપમાં દર્શાવવામાં આવ્યા છે.
– રામલલાની મૂર્તિમાં વિષ્ણુના 10 અવતાર જોઈ શકાય છે. આ 10 અવતાર છે- મત્સ્ય, કુર્મ, વરાહ, નરસિંહ, વામન, પરશુરામ, રામ, કૃષ્ણ, બુદ્ધ, કલ્કિ.
– રામલલાની 51 ઈંચ ઊંચી પ્રતિમા દક્ષિણ ભારતીય શૈલીની છે. લોકો તેને દૂરથી જોઈ શકે તે માટે આ પ્રતિમાને સ્થાયી સ્થિતિમાં રાખવામાં આવી છે.
– રામલલાની બાળ મૂર્તિમાં એક તરફ હનુમાન અને બીજી તરફ ગરુડ દેખાય છે. આ પ્રતિમાની ભવ્યતામાં વધારો કરી રહ્યા છે.
– રામલલાની આ મૂર્તિમાં તાજની બાજુમાં સૂર્યદેવ, શંખ, સ્વસ્તિક, ચક્ર અને ગદા દેખાય છે.
– મૂર્તિમાં રામલલાના ડાબા હાથને ધનુષ અને તીર પકડવાની મુદ્રામાં બતાવવામાં આવ્યો છે. જોકે હજુ સુધી મૂર્તિ પર ધનુષ અને બાણ લગાવવામાં આવ્યા નથી.
-આ પ્રતિમા કાળા રંગના પથ્થરમાંથી બનાવવામાં આવી છે. શ્યામ શિલાની ઉંમર હજારો વર્ષ છે, તે પાણી પ્રતિરોધક છે.
-પ્રતિમામાં પાંચ વર્ષના બાળકની માયાની ઝલક જોવા મળે છે. ચંદન, રોલી વગેરે લગાવવાથી મૂર્તિની ચમક પર અસર નહીં થાય.
