ઇરાન યુદ્ધના બીજા દિવસે અમેરિકાની મિલિટરીએ પ્રથમ અમેરિકન જાનહાનિની જાહેરાત કરી હતી. આ કાર્યવાહી શરૂ થઈ ત્યારથી ત્રણ અમેરિકાના સૈનિકોના થયા છે અને પાંચ અન્ય ગંભીર રીતે ઘાયલ થયા છે. બીજી તરફ ઇઝરાયેલમાં કુલ 10ના મોત થયાં હતાં અને 120 ઘાયલ થયા હતાં.
ઇઝરાયલમાં તેલ અવીવમાં રવિવારે ઇરાનના મિસાઇલ હુમલા પછી મોટા વિસ્ફોટો સંભળાયા હતાં. બેટ શેમેશમાં એક સિનાગોગ પર થયેલા હુમલામાં નવ લોકોના મોત થયા હતાં અને અનેક ઘાયલ થયા હતાં.
યુએસ આર્મીએ જણાવ્યું હતું કે કાર્યવાહી શરૂ થઈ ત્યારથી ત્રણ સૈનિકોના થયા છે અને પાંચ અન્ય ગંભીર રીતે ઘાયલ થયા છે. આ લડાઈમાં અમેરિકાના પક્ષે આ પ્રથમ જાનહાની હતી. યુએસ સેન્ટ્રલ કમાન્ડે જણાવ્યું હતું કે ઘણા અન્ય યુએસ સૈનિકોને પણ ઇજાઓ થઈ હતી. તેમણે આ જાનહાનિ ક્યાં અને કેવી રીતે થઈ તે જાહેર કર્યું કર્યું ન હતું. જોકે અમેરિકાના બે અધિકારીઓએ નામ જાહેર ન કરવાની શરતે જણાવ્યું હતું કે કુવૈતમાં યુએસ બેઝ ખાતે આ સૈનિકોના મોત થયા હતાં. એક વીડિયો સંબોધનમાં ટ્રમ્પે મૃત્યુ પર શોક વ્યક્ત કર્યો હતો અે જણાવ્યું હતું કે દુઃખની વાત છે કે આ કાર્યવાહી સમાપ્ત થાય તે પહેલાં વધુ જાનહાની થવાની શક્યતા છે.પરંતુ અમેરિકા તેમના મૃત્યુનો બદલો લેશે અને મૂળભૂત રીતે, સંસ્કૃતિ સામે યુદ્ધ છેડનારા આતંકવાદીઓને સૌથી સખત ફટકો આપશે
