ભારતનું ફોરેક્સ રીઝર્વ તાજેતરમાં 3.049 બિલિયન ડોલર ઘટીને 699.736 બિલિયન ડોલર થયું હતું. અગાઉના સપ્તાહમાં તે 4.849 બિલિયન ડોલર વધીને 702.784 બિલિયન ડોલર થયું હતું. રીઝર્વ બેન્કે શુક્રવારે આ ડેટા જાહેર કર્યા હતા. 4 જુલાઈએ પૂરા થયેલા સપ્તાહમાં ફોરેન કરન્સી એસેટ્સ (FCA) 3.537 બિલિયન ડોલર ઘટીને 591.287 બિલિયન ડોલર થઈ હતી. ગોલ્ડ રીઝર્વ 34.2 કરોડ ડોલર વધીને 84.846 બિલિયન ડોલર થયું હતું. ઈન્ટરનેશનલ મોનિટરી ફંડ (IMF) સમક્ષ ભારતનું રીઝર્વ 10.7 કરોડ ડોલર વધીને 4.735 બિલિયન ડોલર થયું હતું. સ્પેશ્યલ ડ્રોઈંગ રાઈટ્સ 3.9 કરોડ ડોલર વધીને 18.868 બિલિયન ડોલર થયું હતું.
