નામદાર આગા ખાન આ અઠવાડિયે તા. 3થી 5 ફેબ્રુઆરી દરમિયાન યુકેની મુલાકાતે પધાર્યા હતા અને 10 ડાઉનિંગ સ્ટ્રીટ ખાતે વડા પ્રધાન સર કેર સ્ટારમર, મહારાજા ચાર્લ્સ III, પ્રિન્સ ઓફ વેલ્સ વિલિયમ, યુકેના ફોરેન સેક્રેટરી હ્યુવેટ કૂપર અને લંડનના મેયર સર સાદિક ખાનને મળ્યા હતા.
વડા પ્રધાન સર કેર સ્ટાર્મર સાથેની મુલાકાત યુકે અને ઇસ્માઇલી ઇમામત વચ્ચેના સંબંધોને મજબૂત બનાવવા માટે એક મહત્વપૂર્ણ ક્ષણ હતી. આ બેઠક આંતરરાષ્ટ્રીય વિકાસ, માનવતાવાદી કાર્યવાહી અને આંતરધાર્મિક સંવાદને પ્રોત્સાહન આપવા પર કેન્દ્રિત હતી.
નામદાર આગા ખાન યુકેના ફોરેન સેક્રેટરી હ્વવેટ કૂપર સાથે ફોરેન, કોમનવેલ્થ અને ડેવલપમેન્ટ ઓફિસ ખાતે સમજૂતી કરાર પર હસ્તાક્ષર કર્યા હતા. જે દાયકાઓથી ચાલી આવતી ભાગીદારીને તાજી કરે છે. આ કરાર આબોહવા કાર્યવાહી, આર્થિક વિકાસ અને મહિલાઓ અને છોકરીઓના સશક્તિકરણ સહિતની વહેંચાયેલ વૈશ્વિક પ્રાથમિકતાઓ પર સહયોગ માટે ઔપચારિક માળખું સ્થાપિત કરે છે.
આ ભાગીદારી યુકેની સંસ્થાઓ અને આગા ખાન ડેવલપમેન્ટ નેટવર્ક (AKDN) વચ્ચે 1973 થી ચાલી રહેલા સહયોગ પર આધારિત છે, જે આફ્રિકા, દક્ષિણ અને મધ્ય એશિયા અને મધ્ય પૂર્વમાં કાર્યરત છે. FCDO અને બ્રિટિશ ઇન્ટરનેશનલ ઇન્વેસ્ટમેન્ટ જેવી સંસ્થાઓ સાથે સંયુક્ત પહેલ હવે દર વર્ષે 15 મિલિયનથી વધુ લોકોને સકારાત્મક અસર કરે છે.
યુકેની તેમની મુલાકાત દરમિયાન, આગા ખાને સિટી હોલ ખાતે લંડનના મેયર સર સાદિક ખાનને પણ મળ્યા હતા અને રાજધાનીમાં સ્થિત આગા ખાન ફાઉન્ડેશન (યુકે), ઇસ્માઇલી સ્ટડીઝ ઇન્સ્ટિટ્યૂટ અને આગા ખાન યુનિવર્સિટીની ઇન્સ્ટિટ્યૂટ ફોર ધ સ્ટડી ઓફ મુસ્લિમ સિવિલાઇઝેશન સહિતની ઇમામત સંસ્થાઓના કાર્યની ચર્ચા કરી હતી. તેનું મુખ્ય મથક લંડનનું આગા ખાન સેન્ટર છે જે શિક્ષણ, સાંસ્કૃતિક વિનિમય અને જાહેર જોડાણનું કેન્દ્ર છે.
આ મુલાકાતનું સમાપન વિન્ડસર કાસલ ખાતે મહારાજા ચાર્લ્સ III દ્વારા આગા ખાનની ઇસ્માઇલી ઇમામત પર રાજગાદી સંભાળવાની પ્રથમ વર્ષગાંઠ સાથે થયું હતું. તેઓ પ3ન્સ ઓફ વેલ્સ વિલીયમને પણ મળ્યા હતા. જેમાં ઇસ્માઇલી સમુદાય, બ્રિટિશ રાજાશાહી અને યુકેના જાહેર જીવન વચ્ચેના લાંબા સમયથી ચાલતા સંબંધો પર ભાર મૂકવામાં આવ્યો હતો.
(તસવીર સૌજન્ય – AKDN / Akbar Hakim)
