અમેરિકન એસોસિએશન ઓફ ફિઝિશિયન્સ ઓફ ઇન્ડિયન ઓરિજિન (AAPI) એ કાન્કુનના ઓએસિસ પિરામિડ ખાતે નેતૃત્વ અને પ્રોફેશનલ ડેવલપમેન્ટ પર કેન્દ્રિત યંગ ફિઝિશિયન્સ સેક્શન (YPS) એજ્યુકેશનલ સમિટનું સફળતાપૂર્વક આયોજન કર્યું હતું. જેમાં સમિટમાં AAPI ના નેશનલ ટ્રેઝરર અને ભૂતપૂર્વ YPS પ્રમુખ ડૉ. સૌમ્યા નેરાવેતલા સહિત યુવાન ભારતીય અમેરિકન ફિઝિશિયન્સ, રેસિડેન્ટ્સ, ફેલો અને મેડિકલ સ્ટુડન્ટ્સ ઉપસ્થિત થયા હતા.
AAPI ના યંગ ફિઝિશિયન્સ સેક્શન અને મેડિકલ સ્ટુડન્ટ્સ, રેસિડેન્ટ્સ એન્ડ ફેલો સેક્શન (MSRF) દ્વારા સંયુક્ત રીતે આયોજિત, સમિટનું નેતૃત્વ YPS ના અધ્યક્ષ ડૉ. ગૌતમ કામથન અને MSRF પ્રમુખ ડૉ. પ્રિયંકા કોલી દ્વારા કરવામાં આવ્યું હતું અને 60 સહભાગીઓએ ભાગ લીધો હતો. જેને પગલે તે AAPI ના ઇતિહાસમાં સૌથી મોટો YPS મેળાવડો બન્યો હતો.
બહુ-દિવસીય કાર્યક્રમમાં કારકિર્દીમાં પ્રગતિ, મેન્ટોરશીપ, ફીજીશીયન્સ વેલનેસ, એડવોકસી અને વિકસતા હેલ્થ કેર લેન્ડસ્કેપ પર સેશન્સ યોજવામાં આવ્યા હતા. ઉપસ્થિતોએ સતત મેડિકલ એજ્યુકેશન સેશન, સંશોધન પોસ્ટર સિમ્પોઝિયમ અને નેતૃત્વ, હેલ્થ કેર લૉ અને સોશિયલ મીડિયા પર ઇન્ટરેક્ટિવ વર્કશોપમાં પણ ભાગ લીધો હતો.
AAPI ના પ્રમુખ ડૉ. અમિત ચક્રવર્તીએ યુવાન પ્રોફેશનલ્સની ઉર્જા અને વિઝનની પ્રશંસા કરી, સમિટને AAPI ના ભાવિ નેતૃત્વનું મજબૂત સૂચક ગણાવ્યું હતું. AAPI બોર્ડ ઓફ ટ્રસ્ટીઝના અધ્યક્ષ ડૉ. હેતલ ગોરે પણ આ જ ભાવના વ્યક્ત કરી, બેઠકમાં પ્રદર્શિત એકતા અને નવીનતા પર પ્રકાશ પાડ્યો હતો.
જૂન 2026 માં ફ્લોરિડાના ટેમ્પામાં AAPI વાર્ષિક સંમેલન યોજાનાર છે.
