અમેરિકામાં ડેમોક્રેટિક સ્ટાફ ઓફ ધ સેનેટ ફોરેન રીલેશન્સ કમિટી દ્વારા તૈયાર કરવામાં આવેલા એક રીપોર્ટ અનુસાર, ટ્રમ્પ એડમિનિસ્ટ્રેશને 300 જેટલા માઇગ્રન્ટ્સને તેમના પોતાના વતન સિવાયના અન્ય રાષ્ટ્રોમાં દેશનિકાલ કરવા માટે ઓછામાં ઓછો 40 મિલિયન ડોલરનો ખર્ચ કર્યો હતો. ઇમિગ્રેશન અધિકારીઓએ ગત વર્ષે પ્રેસિડેન્ટ ટ્રમ્પના યુએસમાંથી ઇમિગ્રન્ટ્સને ઝડપથી પરત મોકલવાના લક્ષ્યોરોને પૂર્ણ કરવા માટેના આ કાર્યવાહી વધારી હતી. સેનેટર જીએન્ન શાહીનના નેતૃત્વમાં કમિટીએ તેના રીપોર્ટમાં ત્રીજા વિશ્વના રાષ્ટ્રોમાં માઇગ્રન્ટ્સના દેશનિકાલની કાર્યવાહીને ‘ખર્ચાળ, અર્થહિન અને નબળી કામગીરી’ તરીકે ટીકા કરી હતી અને ‘હવે એક એવી નીતિની ગંભીર તપાસ’ની માગણી કરી હતી, જે મોટેભાગે દિશાવિહીન છે. સ્ટેટ ડીપાર્ટમેન્ટ દ્વારા ત્રીજા રાષ્ટ્રોમાં દેશનિકાલની કામગીરીને યોગ્ય ઠેરવવામાં આવી હતી અને કહ્યું હતું કે, આ કાર્યવાહી ગેરકાયદે ઇમિગ્રેશનને અંત લાવવાના ટ્રમ્પના કેમ્પેઇનના ભાગરૂપે થઇ રહી છે. રીપોર્ટમાં જણાવવામાં આવ્યું છે કે, ઇક્વાટોરિયલ ગિની, રવાન્ડા, અલ સાલ્વાડોર, ઇસ્વાટિની અને પલાઉ જેવા પાંચ રાષ્ટ્રોમાં માઇગ્રન્ટ્સનો દેશનિકાલ કરવા માટે 4.7 મિલિયનથી 7.5 મિલિયન ડોલરની વચ્ચે નાણા ચૂકવાયા છે.
