અમેરિકામાં બે ડેમોક્રેટિક સેનેટર્સે 13 ફેબ્રુઆરીના રોજ ટ્રમ્પ એડમિનિસ્ટ્રેશનને વિનંતી કરી કે, તેઓ છેલ્લા પાંચ વર્ષમાં લાખો વિદેશી મુલાકાતીઓની સોશિયલ મીડિયાની માહિતીને ચકાસવાના પ્રસ્તાવને રદ્દ કરે. યુએસ કસ્ટમ્સ એન્ડ બોર્ડર પ્રોટેક્શન (CBP)ની પ્રસ્તાવિત નીતિમાં વિઝા માફી કાર્યક્રમમાં સામેલ દેશોના પ્રવાસીઓને સોશિયલ મીડિયાના માહિતી રજૂ કરવા માટે જણાવવામાં આવતું હતું. સેનેટર્સ એડ માર્કી અને રોન વાયડેને આ અંગે જણાવ્યું હતું કે, ‘પ્રવાસીઓ તેમની વ્યક્તિગત સોશિયલ મીડિયા માહિતી જાહેર કરવાની ફરજ પાડીને, CBP એવા લોકોને દબાણ કરશે જેઓ અમેરિકામાં માત્ર પરિવારોને મળવા, દેશ કંપનીઓ સાથે બિઝનેસ માટે અથવા આવનારા વર્લ્ડ કપ જેવા કાર્યક્રમોમાં આવવા ઇચ્છતા હોય.’ જો બ્રિટન, ફ્રાન્સ અથવા ઓસ્ટ્રેલિયા જેવા દેશો અમેરિકન પ્રવાસીઓ પર આ પ્રકારની કાર્યવાહી ઇચ્છશે તો ઘણા અમેરિકનો નારાજ થશે તેમાં કોઈ શંકા નથી.’ આ અંગે હોમલેન્ડ સિક્યુરિટી ડીપાર્ટમેન્ટ દ્વારા તાત્કાલિક કોઈ ટિપ્પણી કરવામાં આવી નહોતી. ડિસેમ્બરમાં તેમણે કહ્યું હતું કે, આ પ્રસ્તાવ આ મહિનાની શરૂઆતમાં જ લાગુ થઇ શકે છે.
