અમેરિકાએ ભારતની કેટલીક સોલર પ્રોડક્ટ્સ પર 125.87 ટકા પ્રારંભિક કાઉન્ટિરવેલિંગ ડ્યૂટીની 25 ફેબ્રુઆરીએ જાહેરાત કરી હતી. અમેરિકાનો આરોપ છે કે નવી દિલ્હી આવી પ્રોડક્ટ્સના ઉત્પાદન માટે અન્યાયી રીતે સબસિડી આપે છે. અમેરિકાએ ઇન્ડોનેશિયા અને લાઓસથી ‘ક્રિસ્ટલાઇન સિલિકોન ફોટોવોલ્ટેઇક સેલની આયાત પર અલગ અલગ ડ્યુટીની જાહેરાત પણ કરી હતી.
આદેશમાં જણાવાયું હતું કે અમેરિકાના કોમર્સ વિભાગે ભારત, ઇન્ડોનેશિય અને લાઓસ સોલાર સેલની કાઉન્ટવેલિંગ ડ્યૂટીની તપાસ કરી હતી. આ ડ્યૂટી 24 ફેબ્રુઆરીથી તમામ દેશો પર ટ્રમ્પ વહીવટીતંત્રે લાદેલી 10 ટકા ડ્યૂટી કરતાં અલગ છે.
આદેશમાં જણાવ્યા અનુસાર ભારતથી અમેરિકામાં સોલાર પ્રોડક્ટ્સની આયાત 2024માં વધીને 792.6 મિલિયન ડોલર થઈ હતી, જે 2022માં 83.86 મિલિયન ડોલર હતી. જો મોકૂફ રાખવામાં નહીં આવે તો 6 જુલાી 2026થી આ નવી ડ્યૂટી લાગુ પડશે. કોમર્સ ડિપાર્ટમેન્ટ ભારત-ઇન્ડોનેશિયા અને લાઓસથી સોલાર સેલની એન્ટી ડમ્પિંગ તપાસ પણ કરી રહ્યું છે. કાઉન્ટરવેલિંગ ડ્યુટીથી કંપનીઓને સબસિડીવાળી આયાતમાં વધારાથી બચાવવામાં મદદ મળે છે.
