એક્ટર્સ રશ્મિકા મંદાના અને વિજય દેવરકોંડાના 26 ફેબ્રુઆરીએ ઉદયપુરના એક ભવ્ય રિસોર્ટમાં લગ્ન સંબંધથી બંધાયા હતાં. લગ્ન આ સેલિબ્રિટી કપલ નજીકના મિત્રો અને પરિવારના સભ્યો સાથે 23 ફેબ્રુઆરીએ હૈદરાબાદથી રાજસ્થાનમાં આવી હતી.
લગ્ન સમારોહ 26 ફેબ્રુઆરીના રોજ સવારે 10 વાગ્યે શુભ મુહૂર્ત યોજાયેલો હતો. લગ્ન વિધિઓ તેલુગુ સંસ્કૃતિ અને કોડવા સમુદાયના વિધિઓ અનુસાર કરાઈ હતી.
વિજયનો પરિવાર તેલુગુ સમુદાયનો છે, જ્યારે રશ્મિકા કોડવા સમુદાયની છે. બંનેએ બંનેની સંસ્કૃતિઓનું સન્માન કરવાનું પસંદ કર્યું હતું. ૨૪ અને ૨૫ ફેબ્રુઆરીના રોજ લગ્ન પહેલાની ઉજવણી કરાઈ હતી. પ્રધાનમંત્રી નરેન્દ્ર મોદીએ પણ લગ્ન પહેલા આ કપલને અભિનંદન સંદેશ મોકલ્યો હતો.
સ્ટાર કપલે પોતાના લગ્નને લઈને એક ખાસ નામ આપ્યું હતું. ચાહકોના ટેગને માન આપી કપલે લગ્નનું ટાઈટલ ‘ધ વેડિંગ ઓફ VIROSH’ રાખ્યું હતું. વિજય-રશ્મિકા લગ્નના લગ્નની ચર્ચા ઘણાં સમયથી થઈ રહી છે. કપલે સોશિયલ મીડિયા પોસ્ટમાં લખ્યું કે “અમે કોઈ પણ યોજના બનાવીએ કે પોતાના માટે કંઈપણ પસંદ કરતા પહેલા, તમે પહેલાથી જ અમારી સાથે હતાં. તમે અમને અનહદ પ્રેમ આપ્યો અને તે પ્રેમથી તમે અમને એક નામ આપ્યું. તમે અમને VIROSH કહ્યા. એટલાં માટે આજે દીલથી અમે તમારા માનમાં અમારા આ મિલનને એક નામ આપવા માંગીએ છીએ. અમે તેને ‘ધ વેડિંગ ઑફ VIROSH’ કહેવા માંગીએ છીએ.
