સાયપ્રસના અક્રોટિરી ખાતેના બ્રિટિશ રોયલ એર ફોર્સના બેઝ પર સોમવાર, 2 માર્ચની વહેલી સવારે માનવરહિત શાહેદ ડ્રોનથી હુમલાં થયાં હતાં. તેનાથી નજીવું નુકસાન થયું હતું અને કોઇ જાનહાની થઈ નથી, એમ સાયપ્રસના પ્રેસિડન્ટ નિકોસ ક્રિસ્ટોડોલિડ્સે સોમવારે જણાવ્યું હતું ઈરાની બનાવટના શાહેદ ડ્રોન ક્યાંથી છોડવામાં આવ્યાં હતાં તે તાત્કાલિક સ્પષ્ટ થયું ન હતું.
પ્રેસિડન્ટે એક નિવેદનમાં જણાવ્યું હતું કે હું સ્પષ્ટ કરવા માંગુ છું કે અમારો દેશ કોઈપણ લશ્કરી કાર્યવાહીનો ભાગ બનવાનો ઈરાદો ધરાવતો નથી. તેઓ આ ગતિવિધિ અંગે યુરોપિયન નેતાઓ અને અન્ય લોકો સાથે સતત સંપર્કમાં છે. અગાઉ સૂત્રોએ જણાવ્યું હતું કે આ બેઝ પર બે ડ્રોન હુમલા થયાં હતાં. એક ડ્રોનની હવામાં તોડી પડાયું હતું.
બ્રિટનના સંરક્ષણ મંત્રાલયે પણ આ હુમલાને પુષ્ટી આપતા જણાવ્યું હતું કે તેમાં કોઇ જાનહાની થઈ નથી. સંરક્ષણ મંત્રાલયના પ્રવક્તાએ જણાવ્યું હતું કે મારા સશસ્ત્ર દળો સ્થાનિક સમય મુજબ મધ્યરાત્રિએ સાયપ્રસમાં RAF અક્રોટિરી પર થયેલા શંકાસ્પદ ડ્રોન હુમલાનો જવાબ આપી રહ્યા છે. આ ક્ષેત્રમાં લશ્કરી દળો માટેની સુરક્ષા સર્વોચ્ચ સ્તરે છે અને બેઝ અમારા લોકોનું રક્ષણ કરવા માટે પ્રતિક્રિયા આપી રહ્યું છે. આ એક પ્રવાહી પરિસ્થિતિ છે અને વધુ માહિતી યોગ્ય સમયે પૂરી પડાશે. સોવરિન બેઝ એરિયાઝ એડમિનિસ્ટ્રેશનના એક નિવેદનમાં કહેવામાં આવ્યું છે કે બિન-આવશ્યક કર્મચારીઓને બીજે મોકલવાની પ્રક્રિયા સાવચેતીના પગલા છે.
