‘કાશ્મીર ફાઈલ્સ’ સહિતની વિવાદાસ્પદ ફિલ્મોનું નિર્માણ કરી ચૂકેલા જાણીતા ફિલ્મકાર વિવેક અગ્નિહોત્રી ગત વર્ષના પાકિસ્તાન સામેના ‘ઓપરેશન સિંદૂર’ પર પણ એક ફિલ્મ બનાવી રહ્યા છે.
આ ફિલ્મના નિર્માતા ટી સીરિઝના ભૂષણકુમાર છે, જ્યારે વિવેક અગ્નિહોત્રી દિગ્દર્શક છે. વિવેક અગ્નિહોત્રીએ ફિલ્મનું નામ કે અન્ય વિગતો જાહેર કર્યા વગર એટલું જ સ્વીકાર્યું હતું કે, તેઓ નવી રાષ્ટ્રવાદી ફિલ્મ બનાવી રહ્યા છે.
કાશ્મીરના પહલગામમાં પ્રવાસીઓ પર થયેલા ત્રાસવાદી હુમલા અને ત્યારબાદ ભારતે હાથ ધરેલાં ઓપરેશન સિંદૂરની વિગતો આ ફિલ્મમાં આવરી લેવામાં આવે તેવી સંભાવના છે. અત્રે ઉલ્લેખનીય છે કે, ભારતીય સેના દ્વારા ઓપરેશન સિંદૂર હાથ ધરાયું તે વખતે જ બોલીવૂડના અનેક નિર્માતાઓએ તેના સંબંધિત નામ નોંધાવવા માટે વિચારણ કરી હતી.
