હોમ ઓફિસ દ્વારા જાહેર કરાયેલા સત્તાવાર આંકડા અનુસાર, 2025માં યુકેમાં 100,625 વધુ લોકોએ એસાયલમ માટે અરજી કરી હતી. જે 2024ની સરખામણીમાં 4 ટકાનો ઘટાડો દર્શાવે છે. આ સંખ્યા 2019માં રોગચાળા પહેલા કરવામાં આવેલા 45,537 દાવાઓ કરતા બમણાથી પણ વધુ છે.
નાની હોડીઓમાં આવતા માઇગ્રન્ટ્સ લોકોની સંખ્યા વાર્ષિક ધોરણે 13 ટકા વધીને 45,774 થઈ ગઈ છે, જોકે આ સંખ્યા 2022ની ટોચની તુલનામાં ઓછી છે. નાની હોડીઓમાં આવતા માઇગ્રન્ટ્સનો હિસ્સો તમામ એસાયલમ દાવાઓમાં 41 ટકા હતો, જેમાં એરિટ્રિયન લોકો ચેનલ ક્રોસિંગ કરતી સૌથી સામાન્ય રાષ્ટ્રીયતા હતી. ડેટા દર્શાવે છે કે શિયાળાના મહિનાઓ દરમિયાન દરેક બોટ પર સરેરાશ 71 લોકો યુકે આવ્યા હતા.
વર્ક વિઝાની સંખ્યામાં ઘટાડો ચાલુ રહ્યો હતો જે પાછલા વર્ષની સરખામણીમાં 19 ટકાનો ઘટાડો દર્શાવે છે, જે મુખ્યત્વે હેલ્થ કેર વિઝા પરના કડક નિયમોને કારણે છે. 2025માં 407,000 સ્ટુડન્ટ વિઝા જારી થયા હતા, જેમાં 3 ટકાનો ઘટાડો થયો હતો.
એસાયલમ અરજીઓનો બેકલોગ ઝડપથી ઘટ્યો છે. ડિસેમ્બર 2025ના અંતમાં, 64,426 લોકો પ્રારંભિક નિર્ણયની રાહ જોઈ રહ્યા હતા, જે જૂન 2023માં 175,457ની ટોચથી નીચે હતો. જોકે, અપીલમાં વધારો થયો છે, લગભગ 70,000 કેસ પેન્ડિંગ છે.
