સાઉથ લંડનના લેમ્બેથમાં આઠ વર્ષની માસુમ બાળકી સાથે જાતીય દુર્વ્યવહાર અને ગૃમીંગ કરનાર નિષ્ફળ એસાયલમ સિકર અને પાકિસ્તાની નાગરિક કામરાન ખાનને ભયાનક ટ્રાયલ પછી દોષિત ઠેરવી ઇનર લંડન ક્રાઉન કોર્ટે 15 વર્ષની જેલ સજા સજા ફટકારવામાં આવી છે.
સાઉથ લંડનના લેમ્બેથના સ્ટ્રેધમ હાઇ રોડ પર રહેતા કામરાન ખાને બધા આરોપોમાં દોષિત નહિં હોવાનું કબૂલ્યું હતું. સપ્ટેમ્બર 2024 અને જુલાઈ 2025ની વચ્ચે કામરાને બાળકીના ઘરમાં, તેના બેડરૂમમાં અને પાર્કની બેન્ચ પર આ દુર્વ્યવહાર કર્યો હતો. ખાને બાળકીને ચૂપ કરવા માટે ભારે માનસિક આતંકનો ઉપયોગ કરી તેણીને ચેતવણી આપી હતી કે જો તેના પિતાને તે આ દુર્વ્યવહારની જાણ કરશે તો તેને મારી નાખશે. આ ધમકીઓ છતાં, છોકરીએ આખરે બહાદુરીથી તેણીના પરિવારને આ અંગે જાણ કરી હતી. જેને પગલે 6 જુલાઈ 2025ના રોજ ખાનની ધરપકડ કરવામાં આવી હતી.
ડિસેમ્બર 2024માં યુકે આવી એસાયલમનો દાવો કરી જણાવ્યું હતું કે તે “બિન-મુસ્લિમ પ્રવૃત્તિઓ” માટે પાકિસ્તાનમાં થયેલા જુલમથી ભાગી રહ્યો હતો.
ખાનના જપ્ત કરાયેલા મોબાઇલ ફોનમાંથી પોર્નોગ્રાફિક સામગ્રીના ડેટા અને ફોરેન્સિક પુરાવા મળ્યા હતા. ખાને બાળકીને પોર્નોગ્રાફિક સામગ્રી જોવા માટે મજબૂર કરી હતી.
જ્યુરીએ ખાનને બાળકી પર બળાત્કારના બે ગુના, જાતીય હુમલાના ચાર ગુના અને જાતીય કૃત્યોમાં સામેલ કરવા માટે મજબૂર કરવાના ગુનાઓમાં દોષિત ઠેરવ્યો હતો. તપાસ અધિકારીઓએ પીડિતાના અપાર હિંમતની પ્રશંસા કરી હતી.
