ભારતીય ક્રિકેટ બોર્ડે ગયા સપ્તાહે જ પહેલી મહિલા આઈપીએલ – વીમેન્સ પ્રીમિયર લીગ ટી-20 ટુર્નામેન્ટનો કાર્યક્રમ પણ ગયા સપ્તાહે જાહેર કર્યો હતો. આ ડબ્લ્યુપીએલમાં પાંચ ટીમ વચ્ચે 20 લીગ મેચ અને એક પ્લે ઓફ તથા એક ફાઈનલ, એમ કુલ 22 મેચ મુંબઈમાં બ્રેબોર્ન સ્ટેડિયમ તથા નવી મુંબઈના ડી. વાય. પાટીલ સ્ટેડિયમમાં રમાશે.
પાંચ ટીમોમાં ગુજરાત જાયન્ટ્સ વીમેન, મુંબઈ ઈન્ડિયન્સ વીમેન, રોયલ ચેલેન્જર્સ બેંગ્લોર વીમેન, દિલ્હી કેપિટલ્સ વીમેન અને યુપી વોરિયર્સ વીમેનનો સમાવેશ થાય છે. 23 દિવસના કાર્યક્રમમાં પાંચ દિવસ કોઈ મેચ નહીં રમાય, જ્યારે ચાર દિવસ બે-બે મેચ રમાશે.
