ગુજરાતની 3 દિલસની મુલાકાતે આવેલા કેન્દ્રીય ગૃહપ્રધાન અમિત શાહે શુક્રવાર, 5 ડિસેમ્બરે વિશ્વાસ વ્યક્ત કર્યો કે અમદાવાદ શહેર 2036 ઓલિમ્પિક રમતોના યજમાન અધિકારો મેળવશે.તાજેતરમાં, અમદાવાદને સત્તાવાર રીતે 2030 કોમનવેલ્થ ગેમ્સના યજમાન અધિકારો આપવામાં આવ્યા હતા.
અમદાવાદમાં સંસદ ખેલ મહોત્સવ (એમપી સ્પોર્ટ્સ ફેસ્ટિવલ)ના સમાપન સમારોહમાં એક સભાને સંબોધતા અમિત શાહે જણાવ્યું હતું કે તમે તાજેતરમાં કોમનવેલ્થ ગેમ્સ માટે બિડ જીતી છે. પરંતુ, અમદાવાદના લોકો, તૈયાર રહો, કારણ કે આ શહેર 2036માં ઓલિમ્પિકનું પણ સ્વાગત કરવા જઈ રહ્યું છે. ૨૦૩૬માં ઓલિમ્પિકનું આયોજન કરતા પહેલા આ શહેર ૨૦૩૦માં કોમનવેલ્થ ગેમ્સ સહિત લગભગ એક ડઝન રાષ્ટ્રીય અને આંતરરાષ્ટ્રીય સ્તરની રમતગમત સ્પર્ધાઓનું આયોજન કરશે.
આ સમારોહ અમદાવાદના નારણપુરા વિસ્તારમાં નવા બનેલા વીર સાવરકર સ્પોર્ટ્સ કોમ્પ્લેક્સમાં યોજાયો હતો. આ સંકુલ ૮૦૦ કરોડ રૂપિયાના ખર્ચે બનાવવામાં આવ્યું હતું અને શહેરના મોટેરા વિસ્તારમાં સરદાર વલ્લભભાઈ પટેલ સ્પોર્ટ્સ એન્ક્લેવ સહિત સમાન મેગા સ્પોર્ટ્સ એરેનાનું નિર્માણ ચાલી રહ્યું છે.
