ફોર્બ્સે ટોપ 10 હાઈએસ્ટ પેડ એક્ટર્સ 2020ની યાદી જાહેર કરી દીધી છે. આ યાદીમાં બોલિવૂડના ખેલાડી કુમાર અક્ષય કુમારે પોતાનું સ્થાન બનાવી લીધી છે. તેઓ આ યાદીમાં સ્થાન મેળવનારા બોલિવૂડના એકમાત્ર અભિનેતા છે. આ યાદીમાં પહેલા સ્થાન પર હોલિવૂડ સ્ટાર ડ્વેડ જોનસને બાજી મારી દીધી છે.
ફોબર્સની આ યાદીમાં અક્ષય કુમારની કમાણી 48.5 મિલિયન (ડોલર) એટલે કે લગભગ 362 કરોડ રૂપિયા જણાવવામાં આવી છે. આ યાદીમાં પહેલા સ્થાન પર ડ્વેન જોનસન, બીજા સ્થાન પર હોલીવૂડ અભિનેતા રયાન રેનોલ્ડ્સ, ત્રીજા સ્થાન પર માર્ક વ્હાલબર્ગ, ચોથા સ્થાન પર બેન એફ્લેક, પાંચમા સ્થાન પર વિન ડીઝલ, છઠ્ઠા સ્થાન પર અક્ષય કુમાર, સાતમાં સ્થાન પર મૈનુએલ મિરાંડા, આઠમાં સ્થાન પર વિલ સ્મિથ, નવમાં એડમ સૈંડલર અને 10માં સ્થાન પર જેકી ચેનનું નામ છે.
નોંધનીય છે કે અક્ષય કુમારે પોતાની ફિલ્મોનું શૂટિંગ શરૂ કરી દીધું છે. તેઓ બેલ બોટમની શૂટિંગ માટે સ્ટાર કાસ્ટની સાથે વિદેશ જવા માટે રવાના થઈ ચૂક્યા છે. આ ઉપરાંત તેઓ અન્ય કેટલીક ફિલ્મોમાં પણ જોવા મળશે. અક્ષયની ફિલ્મોની યાદીમાં લક્ષ્મી બોમ્બ, અતરંગી રે, પૃથ્વીરાજ, સૂર્યવંશી અને રક્ષાબંધન જેવી ફિલ્મોનો સમાવેશ થાય છે.
