એપલે અનુભવી ટેકનોલોજી એક્ઝિક્યુટિવ અમર સુબ્રમણ્યને પોતાના આર્ટીફીશીયલ ઇન્ટેલીજન્સના નવા વાઇસ પ્રેસિડેન્ટ તરીકે નિયુક્ત કર્યા છે, જેઓ લાંબા સમયથી AIના વડા જોન ગિયાનન્દ્રિયાના સ્થાને છે. એપલને તેના ગેઝેટ્સમાં અદ્યતન AI સુવિધાઓને એકીકૃત કરવામાં સેમસંગ જેવા સ્પર્ધકોથી પાછળ રહેવા બદલ ટીકાનો સામનો કરવો પડી રહ્યો છે.
સુબ્રમણ્ય માઇક્રોસોફ્ટથી એપલમાં જોડાયા છે, જ્યાં તેમણે AIના કોર્પોરેટ વાઇસ પ્રેસિડેન્ટ તરીકે સેવા આપી હતી. તેમણે અગાઉ ગુગલમાં 16 વર્ષ ગાળ્યા હતા, જેમાં જેમિનાઇ આસીસટ્ન્સ માટે એન્જિનિયરિંગના વડાનો પણ સમાવેશ થાય છે. તેમની નવી ભૂમિકામાં, તેઓ એપલ ફાઉન્ડેશન મોડેલ્સ અને મશીન-લર્નિંગ સંશોધનનું નિરીક્ષણ કરશે, સીધા સોફ્ટવેર ચીફ ક્રેગ ફેડેરિઘીને રિપોર્ટ કરશે.
2018થી એપલની AI વ્યૂહરચનાનું નેતૃત્વ કરી રહેલા ગિયાનન્દ્રિયા 2026ના સ્પ્રિંગમાં તેમની આયોજિત નિવૃત્તિ સુધી સલાહકાર તરીકે રહેશે. તેમની વિદાય એવા અહેવાલો પછી આવી છે કે CEO ટિમ કૂકે એપલના AIના વિકાસની ઝડપમાં વિશ્વાસ ગુમાવ્યો છે.
એપલ પ્રગતિને વેગ આપવા માટે કામ કરતું હોવાથી તેણે પહેલાથી જ સીરીમાં મોટા AI અપગ્રેડને 2026 સુધી મુલતવી રાખ્યા છે.
