લેસ્ટરશાયર ખાતે તા. 5મી મેના રોજ યોજાયેલા પ્રતિષ્ઠિત કાર્યક્રમમાં આંતરરાષ્ટ્રીય સિદ્ધાશ્રમ શક્તિ સેન્ટરના પ.પૂ. શ્રી રાજરાજેશ્વર ગુરુજીએ અખિલ ભારતીય સંત સમિતિ (ભારત)ના રાષ્ટ્રીય અધ્યક્ષ પ. પૂ. શ્રી અવિચલદાસજી મહારાજ અને સાધ્વી ગીતા દીદીનું તેમના નિઃસ્વાર્થ કાર્યો અને ઉત્કૃષ્ટ માનવતાવાદી પ્રયાસો માટે સન્માન કર્યું હતું. સમાજમાં બદલાવ લાવનાર વ્યક્તિઓને ઓળખવા અને પ્રોત્સાહન આપવા માટે આ સન્માન કરાયું હતું.
પ. પૂ. શ્રી અવિચલદાસજી મહારાજ અને સાધ્વી ગીતા દીદી તેમના આધ્યાત્મિક ઉપદેશો અને માર્ગદર્શન માટે વ્યાપકપણે આદરણીય છે અને વિશ્વને વધુ સારી જગ્યા બનાવવાના તેમના પ્રયાસો માટે ઓળખવામાં આવે છે. અન્યોની સેવા કરવી અને શાંતિ અને સંવાદિતાને પ્રોત્સાહન આપવા માટેનું તેમનું સમર્પણ ખરેખર પ્રેરણાદાયી છે.
