ફ્રાન્સના પ્રેસિડન્ટ ઈમેન્યુઅલ મેક્રોન 17થી 19 ફેબ્રુઆરી સુધી ભારતની ત્રણ દિવસની સત્તાવાર મુલાકાતે આવશે. આ ઉપરાંત બ્રાઝિલના પ્રેસિડન્ટ લુઇઝ ઇનાસિયો લુલા દા સિલ્વા 18 થી 22 ફેબ્રુઆરી સુધી ભારતની સત્તાવાર મુલાકાતે લેશે. મેક્રોન વડાપ્રધાન નરેન્દ્ર મોદીના આમંત્રણ પર ભારત આવી રહ્યાં છે. આ મુલાકાત દરમિયાન પ્રેસિડન્ટ મેક્રોન અને વડાપ્રધાન નરેન્દ્ર મોદી વ્યાપક દ્વિપક્ષીય ચર્ચાવિચારણા કરશે
ભારતના વિદેશ મંત્રાલયે જણાવ્યું હતું કે બ્રાઝિલના પ્રેસિડન્ટ લુઇઝ ઇનાસિયો લુલા દા સિલ્વા 18 થી 22 ફેબ્રુઆરી સુધી ભારતની સત્તાવાર મુલાકાતે લેશે. ભારતની મુલાકાત દરમિયાન તેઓ ભારતના વડાપ્રધાન નરેન્દ્ર મોદી સાથે દ્વિપક્ષીય બેઠક યોજાશે. ભારતના રાષ્ટ્રપતિ દ્રૌપદી મુર્મુ દ્વારા તેમના માનમાં ભોજન સમારંભનું આયોજન કરશે. તેઓ 19 અને 20 ફેબ્રુઆરીએ એઆઈ સમિટમાં હાજરી હાજરી આપશે. લુલા છેલ્લે સપ્ટેમ્બર 2023માં G20 સમિટ માટે ભારત આવ્યા હતા.
મેક્રોનની મુલાકાત દરમિયાન ભારત અને ફ્રાન્સ વચ્ચે સહયોગને વધુ મજબૂત બનાવવા અંગે ચર્ચાવિચારણા થશે. આ ચર્ચાઓ હોરાઈઝન 2047 રોડમેપ પર આધારિત હશે, જે ભારત અને ફ્રાન્સ વચ્ચે 25 વર્ષની વ્યૂહાત્મક યોજના છે અને તેનો હેતુ 2047 સુધીમાં બંને દેશો વચ્ચેના સંબંધોને ફરીથી આકાર આપવાનો છે. વિદેશ મંત્રાલયના જણાવ્યા મુજબ આ વાટાઘાટોમાં સંરક્ષણ, વેપાર, ટેકનોલોજી, ઉર્જા, આબોહવા પરિવર્તન, શિક્ષણ અને નવીનતા સહિતના મુખ્ય વિષયોની વિશાળ શ્રેણી આવરી લેવાશે.
બંને નેતાઓ પ્રાદેશિક અને વૈશ્વિક મુદ્દાઓ પર પણ ચર્ચા કરશે, ખાસ કરીને ઇન્ડો-પેસિફિક ક્ષેત્રમાં સહયોગ, જે ભારત અને ફ્રાન્સ બંને માટે રસનો વ્યૂહાત્મક ક્ષેત્ર છે મેક્રોન મુંબઈની પણ મુલાકાત લેશે અને વડાપ્રધાન મોદી સાથે તેઓ ભારત-ફ્રાન્સ ઈનોવેશન વર્ષનું ઉદ્ઘાટન કરશે. 2026ને સત્તાવાર રીતે ભારત-ફ્રાન્સ ઈનોવેશન વર્ષ જાહેર કરાયું છે.
આખા વર્ષ દરમિયાન બંને દેશો નવી ટેકનોલોજી, સ્ટાર્ટઅપ્સ, સંશોધન, પર્યાવરણીય સંરક્ષણ અને સાંસ્કૃતિક આદાનપ્રદાન સંબંધિત કાર્યક્રમોનું આયોજન કરશે. મેક્રોન 19 ફેબ્રુઆરીએ નવી દિલ્હીમાં AI ઈમ્પેક્ટ સમિટમાં ભાગ લેશે. આ સમિટમાં આર્ટિફિશિયલ ઈન્ટેલિજન્સ સંબંધિત મુખ્ય મુદ્દાઓ પર ચર્ચા કરાશે.
