ઇરાનના સર્વોચ્ચ નેતા આયતુલ્લાહ અલી ખામેનીના મોતના ત્રીજા દિવસે અમેરિકા-ઇઝરાયેલનું ઇરાન સામેનું હવાઈ યુદ્ધનું સોમવાર, 2 માર્ચે વધુ ઉગ્ર બન્યું હતું અને ટૂંક સમયમાં તેનો અંત આવે તેવું લાગતું નથી. અમેરિકા-ઇઝરાયેલે ઇરાનના લશ્કરી મથકો, એરડિફેન્સ સિસ્ટમ સહિતના મહત્ત્વના મથકો પર હુમલા ચાલુ રાખ્યાં હતાં. ઇરાનને પણ આરબ દેશો પર હુમલા ચાલુ રાખ્યાં હતાં. બીજી તરફ ઇરાન સમર્થિત હિઝબુલ્લાહ અને હુથી આતંકવાદ સંગઠનો પણ યુદ્ધ કુદ્યા હતાં. તેમણે ઇઝરાયેલ પર હુમલા કર્યા હતા અને ઇઝરાયેલે વળતો જડબાતોડ જવાબ પણ આપ્યો હતો.
તહેનરાને ઇઝરાયલ, ગલ્ફ દેશો અને દૂરના સાયપ્રસમાં બ્રિટિશ હવાઈ મથક પર મિસાઇલો અને ડ્રોન છોડ્યા હતાં.
અમેરિકી આર્મીએ સોમવારે જણાવ્યું હતું કે ઇરાનના હુમલાઓ વચ્ચે કુવૈતની હવાઈ સંરક્ષણ સિસ્ટમોએ ભૂલથી અમેરિકાન ત્રણ F-15E ફાઇટર જેટને તોડી પાડ્યા હતાં. તમામ છ ક્રૂ સભ્યો સુરક્ષિત રીતે બહાર નીકળી ગયાં હતાં. સોમવારે ઈરાનના રિવોલ્યુશનરી ગાર્ડ કોર્પ્સે ઇઝરાયલ સામે નવેસરથી હુમલાની જાહેરાત કરી હતી. ટ્રમ્પે ઈરાની જનતાને તેમના નેતાઓને ઉથલાવી પાડવાની ફર હાકલ કરી હતી અને જણાવ્યુ હતું કે હવાઈ અભિયાન અઠવાડિયા સુધી ચાલી શકે છે.
સોમવારે યુદ્ધમાં એક મોટો નવો મોરચો ખુલ્યો હતો મધ્ય પૂર્વમાં તેહરાનના સમર્થિત હિઝબુલ્લાહે ખામેનીની હત્યાનો બદલો લેવા ઇઝરાયલ તરફ મિસાઇલો અને ડ્રોન છોડ્યા હતાં. ઇઝરાયલે જવાબમાં બેરુતમાં હિઝબુલ્લાહ-નિયંત્રિત દક્ષિણ શહેરોને નિશાન બનાવ્યા હતાં. લેબનીઝ રાજ્ય સમાચાર એજન્સી NNAએ જણાવ્યું હતું કે પ્રારંભિક આંકડા દર્શાવે છે કે 31 લોકો માર્યા ગયા હતા અને 149 ઘાયલ થયા હતાં.
ઇરાને ગલ્ફમાં અમેરિકાના સાથીદેશો પર પણ હુમલા ચાલુ રાખ્યાં હતાં. કુવૈતમાં યુએસ દૂતાવાસની આસપાસના વિસ્તાર ઉપર કાળો ધુમાડો છવાઈ ગયો હતો. દુબઈ અને યુએઈમાં સમાહા અને કતારની રાજધાની દોહામાં જોરદાર વિસ્ફોટો થયા હતાં. ડ્રોન હુમલાને કારણે સાઉદી અરેબિયાએ તેની સૌથી મોટી રિફાઇનરી બંધ કરી દીધી હતી. લિક્વિફાઇડ નેચરલ ગેસના ટોચના ત્રણ વૈશ્વિક ઉત્પાદક ગણાતા કતારએ ઉત્પાદન બંધ કરી કર્યું હતુ.
