વડાપ્રધાન નરેન્દ્ર મોદીની યુટ્યુબ ચેનલના સબ્સ્ક્રાઇબરની સંખ્યા 30 મિલિયનના સીમાચિહ્નને પાર કરી ગઈ છે. આનાથી આ પ્લેટફોર્મ પર સૌથી વધુ ફોલોઅર્સ ધરાવતા વિશ્વ નેતા તરીકે તેમનું સ્થાન વધુ મજબૂત બન્યું છે. બીજા ક્રમના સૌથી વધુ સબસ્ક્રાઇબર ધરાવતા બ્રાઝિલના ભૂતપૂર્વ પ્રેસિડન્ટ જેયર બોલ્સોનારો છે. જોકે તેમના સબસ્ક્રાઇબરની સંખ્યા મોદીનાા સબસ્ક્રાઇબર કરતાં ચોથા ભાગની છે.
યુએસ પ્રમુખ ડોનાલ્ડ ટ્રમ્પની તુલનામાં વડાપ્રધાન પાસે સાત ગણાથી વધુ સબ્સ્ક્રાઇબર્સ છે. ભારતમાં પણ અન્ય નેતાઓની તુલનામાં મોદીના સબ્સ્ક્રાઇબર્સની સંખ્યા ઘણી વધારે છે. વડા પ્રધાન પાસે કોંગ્રેસના નેતા રાહુલ ગાંધી કરતાં લગભગ ત્રણ ગણા વધુ સબ્સ્ક્રાઇબર્સ છે અને આમ આદમી પાર્ટી અને ભારતીય રાષ્ટ્રીય કોંગ્રેસ કરતાં ચાર ગણા વધુ છે.
અધિકારીઓએ જણાવ્યું હતું કે, 30 મિલિયનથી વધુ સબ્સ્ક્રાઇબર્સ સાથે વડાપ્રધાનની યુટ્યુબ ચેનલ સૌથી વધુ સબ્સ્ક્રાઇબ કરાયેલી ચેનલ છે.
ગયા મહિને, મોદીએ ઇન્સ્ટાગ્રામ પર ૧૦ કરોડ ફોલોઅર્સનો ઐતિહાસિક સીમાચિહ્ન પાર કર્યો હતો અને તે પ્લેટફોર્મ પર આ સિદ્ધિ મેળવનારા પ્રથમ વિશ્વ નેતા અને રાજકારણી બન્યાં હતાં. અધિકારીઓએ જણાવ્યું હતું કે વડાપ્રધાન 2014માં ઇન્સ્ટાગ્રામમાં જોડાયા હતાં અને છેલ્લા દાયકામાં તેમનું એકાઉન્ટ વૈશ્વિક નેતાઓમાં સૌથી વધુ આકર્ષક ડિજિટલ જગ્યાઓમાંના એકમાં બન્યું છે.
