મહત્વાકાંક્ષી પત્રકાર નાદિયા ઇસ્લામને દુ:ખ છે કે તેઓ બાંગ્લાદેશ જવાનું હોવાથી પોતાના શ્રેષ્ઠ મિત્ર સાથે રમઝાન વિતાવવાનું ચૂકી રહ્યા છે. પરંતુ તેમની આ સફર અણધારી રીતે તેમના રિપોર્ટિંગની કુશળતાની કસોટી કરે છે.
તો બીજી તરફ તેમના પત્રકાર કાકી નાદિયાની ખલામોની રમઝાન કે ઈદ માટે નહીં પણ બાંગ્લાદેશમાં વધતી જતી આબોહવા પરિવર્તનની સમસ્યા અને તેનાથી લોકો કેવી રીતે પ્રભાવિત થઈ રહ્યા છે તેના પર વાર્તા લખવા માટે બાંગ્લાદેશમાં છે. તેમના કાર્યો જોતા નાદિયા ખલામોનીને મદદ કરવા માટે વધુ ઉત્સુક બને છે.
તેનો ભાઈ અને પિતરાઈ ભાઈઓ રમઝાન સ્પર્ધાના નામે તેનું ધ્યાન ભટકાવવાનો પ્રયાસ કરે છે. પણ તેની કાકીને પણ તેની જરૂર છે. શું નાદિયા તેના ભાઈ અને પિતરાઈ ભાઈઓને હરાવવા માટે તેની સ્પર્ધાત્મકતાને બાજુ પર રાખી શકે છે અને તે સમજી શકે છે કે રમઝાન ખરેખર શું છે?
એવોર્ડ વિજેતા લેખીકા અદિબા જાયગિરદાર દ્વારા લખાયેલ આ હૃદયસ્પર્શી વાર્તા પરિવાર, ધર્મ અને જે સાચું છે તેના માટેની એક મહિલાની લડાઈનું અન્વેષણ કરે છે.
આ પુસ્તકને 5માંથી 5 સ્ટારનું રેટીંગ મળ્યું છે.
લેખક પરિચય
અદિબા જાયગિરદાર ધ હેના વોર્સ અને હાની એન્ડ ઇશુઝ ગાઇડ ટુ ફેક ડેટિંગના લેખક છે. બાંગ્લાદેશી/આઇરિશ લેખિકા અને શિક્ષિકાએ ઇંગ્લેન્ડની કેન્ટ યુનિવર્સિટીમાંથી પોસ્ટ-કોલોનિયલ સ્ટડીઝમાં એમએ અને યુસીડી, આયર્લેન્ડમાંથી અંગ્રેજી અને ઇતિહાસમાં બીએ કર્યું છે. તેઓ લખતા ન હોય ત્યારે વસાહતીવાદના દુષ્કૃત્યો વિશે વાતો કરે છે કે વિડિઓ ગેમ્સ રમે છે.
તો આ પુસ્તકમાં ચિત્રો રજૂ કરનાર અવની દ્વિવેદી એક ચિત્રકાર અને ચિત્ર પુસ્તકોના લેખક છે, જેમાં સ્કૂલ લાઇબ્રેરી જર્નલ બેસ્ટ બુક ઓફ ધ યર માય બોલીવુડ ડ્રીમનો સમાવેશ થાય છે. તેઓ મુંબઈમાં ઉછર્યા હતા અને યુએસની મેરીલેન્ડ ઇન્સ્ટિટ્યૂટ કોલેજ ઓફ આર્ટમાંથી ઇલસ્ટ્રેશનમાં BFA સાથે સ્નાતક થયા છે. અવની દ્વિવેદી જર્સી સિટી, ન્યુ જર્સીમાં રહે છે.
Book : Nadia Islam, On the Record Written
Author: Adiba Jaigirdar
Publisher : Hachette Children’s Group
Price: £7.99
