અમેરિકાના જસ્ટિસ ડિપાર્ટમેન્ટે જાહેર કરેલી નવી એપ્સ્ટેઇન ફાઇલો અનુસાર ભારતીય ફિલ્મ નિર્માતા મીરા નાયરે દોષિત સેક્સ ટ્રાફિકર ઘિસ્લેન મેક્સવેલના ટાઉનહાઉસમાં એક ફિલ્મની “આફ્ટર પાર્ટી”માં હાજરી આપી હતી.
અમેરિકાના ન્યાય વિભાગે શુક્રવારે કરોડપતિ સેક્સ અપરાધી જેફરી એપ્સ્ટેઇન કેસ સંબંધિત તપાસની વધારાની ફાઇલોના જાહેર કરી હતી. આ ફાઇલના એક ઇ-મેઇલ દસ્તાવેજમાં ન્યુ યોર્ક શહેરના મેયર ઝોહરાન મામદાનીની માતા મીરા નાયરનો ઉલ્લેખ છે.
અમેરિકન પબ્લિસિસ્ટ પેગી સિગલના 21 ઓક્ટોબર, 2009ના ઈ-મેલમાં જણાવાયું હતું કે “હમણાં જ ઘિસ્લેનના ટાઉનહાઉસમાંથી નીકળ્યો… ફિલ્મની આફ્ટર પાર્ટી પછી. બિલ ક્લિન્ટન અને જેફ બેઝોસ ત્યાં હતાં… જીન પિગોઝી, દિગ્દર્શક મીરા નાયર… વગેરે. ફિલ્મને નબળી પ્રતિક્રિયા મળી છે. જોકે મહિલાઓને તે વધુ ગમે છે.. બ્લૂમિંગડેલ્સના સસ્તા સ્પોર્ટવેરમાં મૂર્ખ પાર્ટીમાં હિલેરી સ્વેંક અને ગેરે હતાં. ખૂબ જ વિચિત્ર.”
આ ઈ-મેલમાં ફિલ્મનું નામ નથી, પણ એવું લાગે છે કે તે 2009ની ફિલ્મ ‘અમેલિયા’ છે, જેનું નિર્દેશન મીયા નાયરે કર્યું હતું. આ ફિલ્મ સુપ્રસિદ્ધ અમેરિકન પાયલોટ એમેલિયા ઇયરહાર્ટના જીવન પર આધારિત છે. ઇયરહાર્ટ 1937માં વિશ્વની પરિક્રમા કરવાના પ્રયાસ દરમિયાન પેસિફિક મહાસાગરમાં ગાયબ થઈ થયા હતાં.. તેમાં હિલેરી સ્વેંક અને રિચાર્ડ ગેરે અભિનય કર્યો હતો.આ મુદ્દે મીયા નાયરની ટીપ્પણી મળી શકી ન હતી.
