Vedant Patel
પ્રતિકાત્મક તસવીર (istockphoto.com)

અમેરિકાના વિદેશ વિભાગના પ્રિન્સિપાલ ડેપ્યુટી સ્પોકપર્સન વેદાંત પટેલે મંગળવારે ઇતિહાસ રચ્યો હતો. તેઓ વિદેશ વિભાગની ડેઇલી ન્યૂઝ કોન્ફરન્સમાં સંબોધન કરનારા પ્રથમ ઇન્ડિયન અમેરિકન બન્યાં છે. વિદેશ વિભાગના પ્રવક્તા નેડ પ્રાઈસ અત્યારે રજા પર હોવાને કારણે 33 વર્ષીય વેદાંત પટેલે મંગળવારના રોજ વિદેશ વિભાગના ફોગી બોટમ હેડક્વાર્ટર ખાતે મીડિયા સમક્ષ વિદેશ નીતિના મુદ્દા અંગે અમેરિકાનું પ્રતિનિધિત્વ કર્યું હતું. પોતાની બ્રીફિંગ દરમિયાન વેદાંત પટેલે યુક્રેન પર રશિયાનું ગેરકાયદે આક્રમણ, JCPOA તેમજ લિઝ ટ્રસના યુકેના વડાપ્રધાન બનવા સુધી અનેક મુદ્દા પર વાતચીત કરી હતી. વેદાંત પટેલે પોડિયમ પર શાનદાર શરુઆત કરી હતી.

વ્હાઈટ હાઉસમાં વરિષ્ઠ અસોસિએટ કમ્યુનિકેશન્સ ડાઈરેક્ટર મૈટ હિલે પણ ટ્વિટ કરીને વેદાંત પટેલને શુભકામનાઓ પાઠવી છે. તેમણે લખ્યું કે વિશ્વ મંચ પર સંયુક્ત રાજ્યનું પ્રતિનિધિત્વ કરવું એક મોટી જવાબદારી છે અને વેદાંતે સ્પષ્ટપણે પ્રત્યાયન કર્યુ હતું. વ્હાઈટ હાઉસના પૂર્વ ડેપ્યુટી કમ્યુનિકેશન ડાઈરેક્ટર પિલી તોબરે જણાવ્યું કે, વેદાંત પટેલને મંચ પર જોઈને ખૂબ સારુ લાગ્યું. તેમણે લખ્યું કે, મારા મિત્રને એક શાનદાર શરુઆત માટે શુભકામનાઓ.
વ્હાઈટ હાઉસના કર્મચારીઓ અને વિભાગના અન્ય સાથીઓ પણ વેદાંત પટેલ દ્વારા યોજવામાં આવેલી ન્યુઝ કોન્ફરન્સના વખાણ કર્યા હતા. તેઓ જણાવે છે કે વેદાંત પટેલની સ્પીચમાં સ્પષ્ટતા જોવા મળી હતી અને તેઓ આ ક્ષેત્રના પ્રોફેશનલ છે. ઉલ્લેખનીય છે કે વેદાંત પટેલનો જન્મ ગુજરાતમાં થયો હતો. તેમણે કેલિફોર્નિયામાં અભ્યાસ કર્યો હતો.

વેદાંત પટેલનો જન્મ ગુજરાતમાં થયો હતો અને કેલિફોર્નિયા યુનિવર્સિટીમાં તેમણે સ્નાતક ડિગ્રી મેળવી હતી. આ પહેલા તે વ્હાઈટ હાઉસમાં પ્રેસિડન્ટ જો બાઈડનના સહાયક પ્રેસ સચિવ અને પ્રવક્તા તરીકે કામ કરી ચૂક્યા છે. વ્હાઈટ હાઉસના પ્રવક્તા ઝેન સાકીએ પણ તેમના વખાણ કર્યા હતા. તેમણે એક પ્રેસ કોન્ફરન્સમાં કહ્યુ હતું કે, હું વેદાંત સાથે ઘણી મજાક મસ્તી કરુ છું. એવુ નથી કે હું તેમને સરળ અસાઈનમેન્ટ આપુ છું, પણ તે સુપર ટેલેન્ટેડ છે. વેદાંત વિશે વાત કરતા તેમણે કહ્યુ હતું કે, તે ઘણાં સારા લેખક છે અને અત્યંત ઝડપથી લકે છે. તે ન્યુઝ એજન્સી માટે રિપોર્ટર પણ બની શકે છે. તેમનું યોગદાન અદ્દભુત છે અને તે પણ મારી ઘણી મદદ કરે છે. તે રાષ્ટ્રપ્રમુખ માટે પણ ઘણાં મદદગાર છે.

LEAVE A REPLY

1 + 8 =