આસામ, કેરળ, પુડુચેરીની વિધાનસભાની ચૂંટણી માટે ગુરુવાર, 9 એપ્રિલની સવારે મતદાન ચાલુ થયું હતું. આસામમાં 10 વર્ષથી ભાજપની સરકાર છે અને પાર્ટી હેટ્રિક મારવા માગે છે. બીજી તરફ કેરળ ડાબેરી ગઠબંધન પાંચમી ટર્મ ઇચ્છી રહી છે. કેન્દ્રશાસિત પ્રદેશ પુડુચેરીમાં ઓલ ઇન્ડિયા એન આર કોંગ્રેસ (AINRC) ગઠબંધનનું શાસન છે, જેને ભાજપનો ટેકો છે.
આસામમાં ભાજપ અને કોંગ્રેસ વચ્ચે ચૂંટણી મુકાબલો છે. કેરળમાં ડાબેરી મોરચો અને કોંગ્રેસ ગઠબંધન વચ્ચે મુકાબલો છે, પરંતુ આ વખત ભાજપે પણ જોરશોરથી પ્રચાર કર્યો છે અને આ વખતે રાજ્યમાં સારો દેખાવ કરવા માગે છે. આસામમાં વિધાસનભાની કુલ 126 બેઠકો છે. ભાજપ 90 બેઠકો, આસામ ગણ પરિષદ 26 અને બોડોલેન્ડ પીપલ્સ ફ્રન્ટ 11 બેઠકો પર ચૂંટણી લડી રહ્યાં છે. કોંગ્રેસે પોતાના પ્રચાર અભિયાનનું નેતૃત્વ કરવા માટે લોકસભા સાંસદ ગૌરવ ગોગોઈને પસંદ કર્યા છે અને તે 99 બેઠકો પર ચૂંટણી લડી રહી છે. પાર્ટી રાયજોર દળ માટે 13, આસામ રાષ્ટ્રીય પરિષદ માટે 10 અને નાના પક્ષો માટે છ બેઠકો છોડી છે.
140 સભ્યોની કેરળ વિધાનસભાની ચૂંટણીમાં ડાબેરી પક્ષો, કોંગ્રેસ અને ભાજપ વચ્ચે ત્રિકોણીય જંગ છે. ભાજપે ખાસ કરીને ડિસેમ્બરમાં સ્થાનિક સ્વરાજ્યની ચૂંટણીમાં મજબૂત પ્રદર્શન કરીને તિરુવનંતપુરમના મેયર પદ પર જીત મળી હતી.
કેરળમાં મુખ્યમંત્રી પિનરાઈ વિજયનના ડાબેરી ગઠબંધને પોતાના 10 વર્ષની શાસનની સિદ્ધિઓ ગણાવી રહ્યું છે. જોકે, કોંગ્રેસની આગેવાની હેઠળના યુડીએફ ગઠબંધને ડાબેરી મોરચા પર વ્યાપક ભ્રષ્ટાચારનો આરોપ લગાવ્યો છે
પુડુચેરીમાં 30 સભ્યોની વિધાનસભા માટે મુખ્યપ્રધાન રંગાસ્વામીની એનઆર કોંગ્રેસ અને કોંગ્રેસ-ડીએમકે ગઠબંધન વચ્ચે સ્પર્ધા છે. અભિનેતા વિજયની તમિલગા વેત્રી કઝગમ ટીવીકે પ્રથમ વખત અહીં ચૂંટણી રહી છે.
