અમેરિકન એસોસિએશન ઓફ ફિઝિશિયન્સ ઓફ ઇન્ડિયન ઓરિજિન (AAPI) દ્વારા ફ્લોરિડાના ટામ્પા ખાતે તેના સીમાચિહ્નરૂપ 44મા વાર્ષિક કન્વેન્શન અને સાયન્ટીફીક એસેમ્બલીનું આયોજન કરવાનો અને ટામ્પાને સત્તાવાર રીતે યજમાન શહેર તરીકે નિયુક્ત કરવાનો નિર્ણય લીઘો છે.
2 થી 5 જુલાઈ, 2026 દરમિયાન “સ્ટ્રોંગર ટુગેધર: યુનાઈટેડ ઇન કેર, અવિભાજિત ઇન વોઇસ” થીમ હેઠળ JW મેરિયોટ અને ટામ્પા મેરિયોટ વોટર સ્ટ્રીટ ખાતે યોજાનાર ચાર દિવસીય કાર્યક્રમને આપી લીડરશીપ દ્વારા “દાયકાના મેગા કન્વેન્શન” તરીકે ઓળખવામાં આવી રહ્યું છે, જે શહેરના વોટરફ્રન્ટ પર 2,500 થી વધુ હેલ્થકેર ક્ષેત્રના નેતાઓને આકર્ષવા માટે તૈયાર છે.
આ કન્વેન્શન મેડિકલ ઇનોવેશન અને હેલ્થ પોલીસી માટે એક મહત્વપૂર્ણ જોડાણ તરીકે સેવા આપશે. AAPI કુલ 120,000થી વધુ ફીજીશીયન્સ અને મેડિકલના વિદ્યાર્થીઓનું પ્રતિનિધિત્વ કરે છે અને હવે તે યુ.એસ.ના કુલ 9% ફીજીશીયન્સ વર્કફોર્સનો હિસ્સો ધરાવે છે. એક અંદાજ મુજબ યુનાઇટેડ સ્ટેટ્સમાં દર સાત દર્દીઓમાંથી એકની સારવાર ભારતીય મૂળના ફીજીશીયન્સ દ્વારા કરવામાં આવે છે.
AAPI ના પ્રમુખ ડૉ. અમિત ચક્રવર્તીએ જણાવ્યું હતું કે “આ સંમેલન સુખાકારી પર વિશેષ ધ્યાન કેન્દ્રિત કરીને ‘હીલર્સ’ ને સાજા કરવા માટેનો એક યોગ્ય સમય છે”. 2026ના આ કન્વેન્શનમાં યોગ ઉપચાર, આધ્યાત્મિક વેલનેસ વર્કશોપ અને લાઇફસ્ટાઇલ મેડીસીન સહિત હોલીસ્ટીક વેલનેસ ટ્રેક સાથે ઉચ્ચ-સ્તરીય સાયન્ટીફીક સેશન્સનો સમાવેશ થાય છે.
ડૉ. મેહર મેદાવરમના સંભવત: પ્રમુખપદ હેઠળના સમિટમાં નેતૃત્વમાં ઐતિહાસિક પરિવર્તન પણ જોવા મળશે. શૈક્ષણિક પ્રસ્તુતિઓ અને 8+ એક્રેડીટેડ CME ક્રેડિટ્સ ઉપરાંત, સંમેલનમાં યુવા ફીજીશીયન્સ અને તબીબી વિદ્યાર્થીઓ માટે એક સમર્પિત મંચ હશે, જે નેશનલ હેલ્થરકેર એજન્ડા પર ભારતીય-અમેરિકન ડોકટરોના સતત પ્રભાવને સુનિશ્ચિત કરશે.
વધુ માહિતી માટે જુઓ – https://aapiconvention.org/
