બ્રાઉન યુનિવર્સિટી, MITમાં ફાયરિંગની ઘટના પછી પ્રેસિડન્ટ ડોનાલ્ડ ટ્રમ્પે ગુરુવારે ગ્રીન કાર્ડ લોટરી પ્રોગ્રામ સ્થગિત કર્યો હતો. આ પ્રોગ્રામ હેઠળ બ્રાઉન યુનિવર્સિટી અને MIT ગોળીબારનો શંકાસ્પદ અમેરિકામાં આવ્યો હતો.
હોમલેન્ડ સિક્યુરિટી સેક્રેટરી ક્રિસ્ટી નોએમે સોશિયલ પ્લેટફોર્મ X પર એક પોસ્ટમાં જણાવ્યું હતું કે ટ્રમ્પના નિર્દેશ પર તેઓ યુનાઇટેડ સ્ટેટ્સ સિટીઝનશિપ એન્ડ ઇમિગ્રેશન સર્વિસીસને આ કાર્યક્રમ સ્થગિત કરવાનો આદેશ આપી રહ્યા છે. આ જઘન્ય વ્યક્તિને આપણા દેશમાં ક્યારેય પ્રવેશવાની મંજૂરી ન હોવી જોઈએ.
બ્રાઉન યુનિવર્સિટીમાં થયેલા ગોળીબારમાં બે વિદ્યાર્થીઓના મોત અને નવ અન્ય ઘાયલ થયા હતાં અને એક MIT પ્રોફેસરની હત્યામાં પોર્ટુગીઝ નાગરિક ક્લાઉડિયો નેવેસ વેલેન્ટે, 48 વર્ષીય શંકાસ્પદ છે. અધિકારીઓએ જણાવ્યું હતું કે ગુરુવારે સાંજે મૃત હાલતમાં મળી આવ્યો હતો અને તેને આપઘાત કર્યો હોવાની શક્યતા છે.
આ ડાયવર્સિટી વિઝા પ્રોગ્રામ હેઠળ દર વર્ષે લોટરી દ્વારા 50,000 જેટલા ગ્રીન કાર્ડ એવા દેશોના લોકોને ઉપલબ્ધ કરવામાં આવે છે કે જે અમેરિકામાં ઓછું પ્રતિનિધિત્વ ધરાવે છે.આ લોટરી પ્રોગ્રામ કોંગ્રેસ શરૂ કર્યો હતો. 2025ની વિઝા લોટરી માટે લગભગ 20 મિલિયન લોકોએ અરજી કરી હતી, જેમાં 131,000થી વધુ લોકોને પસંદ કરાયા હતા.
